دينا الشربيني: بخاف من الموت والوحدة.. ومش عايزة لما أكبر أعيش لوحدي
أكدت الفنانة دينا الشربيني، أن الشعور بالموت والوحدة هما أكثر شيء تخاف منهم، وجاء ذلك خلال لقائها ضمن برنامج AB TALKS المذاع عبر موقع يوتيوب.
وقالت دينا الشربيني: بخاف من الوحدة والموت، الوحدة أكتر إحساس بيخوفني ومش بحبه، مش عايزة لما أكبر أعيش لوحدي، أكيد هيبقى نفسي في حد ياخد باله مني، لما بشوف حد كبير في السن لوحده مبتمناش أبقى كده، ومفيش حد يتمنى يكون كده.
وتابعت دينا الشربيني في حديثها: إحساس أن حد بيطبطب عليك في مضايقتك ويبقى معاك مهم جدًا، مهما كان معاك أي حاجة في الدنيا ولوحدك عمرك ما هتحس بحلاوتها.
وعلى جانب آخر، ردت دينا الشربيني عن الشائعات التي طالتها خلال السنوات الماضية بشأن خطفها زوج صديقتها كما زعم الجمهور من قبل، وأوضحت: في فترة طويلة أوي مثلًا سنتين في حياتي، مش عايزة احكي القصة ولكن هقول الكلام اللي بيتقال، كان الناس بتقول إني أخدت حد من حد.. ده مكنش حقيقي خالص، والوقت ده صحابي قالوا لي قولي إن الموضوع ده كان خلص من سنين طويلة وإن مفيش حاجة، ولكني قررت متكلمش.
أعمال دينا الشربيني
ويعد مسلسل المشوار آخر أعمال دينا الشربيني الذي عرض في الماراثون الرمضاني الماضي، وضم العمل عدد كبير من الفنانين، أبرزهم عمرو عبد الجليل، بيومي فؤاد، سامي مغاوري، أحمد صفوت، أحمد مجدي، كارولين خليل، ومن تأليف محمد فريد، وإخراج محمد ياسين.
