لقاء الخميسي: الأخلاق بقت بدعة.. ونحتاج لإعادة إصلاح وتهذيب للنفس
وجهت الفنانة لقاء الخميسي، رسالة شديدة اللهجة لكل من يتعمد الإساءة لغيره، سواء عبر مواقع التواصل الاجتماعي، أم في الحياة اليومية، خاصة بعد واقعة حارس مرمى الاتحاد السكندري، الذي غادر ملعب مباراة فريقه أمام سيراميكا كليوباترا أمس وهو في نوبة بكاء شديدة.
وكتبت لقاء الخميسي، عبر حسابها الشخصي بموقع التواصل الاجتماعي فيس بوك: في صديق الصفحة كتب تعليق رائع (إنما الأُمم الأخلاق ما بقيت، فإن ذهبت أخلاقهم ذهبوا)، للأسف الأخلاق بقت بدعة وبقى الطبيعي اختلاق المؤامرات والكذب والادعاءات الباطلة، وأيًا ما يكون يفترض افتراضات من عقله المبدع اللي صور له أشياء يعلم الله وحده من أي مكان بدأت وسوف تنتهي!.
وتابعت لقاء الخميسي: أي حد يحب يقول أي حاجة وهو ولا فاهم فيها ولا عنده إثباتاته يطلع ينور ساحة الحياة ويدعي بالباطل على أي حد لمجرد إشفاء غليله وأحقاده اللي كانت نتيجة فشله في اثبات ذاته ونجاحه، فيقرر أنه يشبع إحساسه الداخلي بالضعف والفقر الإنساني والعملي ويتهم الآخرين بالسوء.. لنا الله فعلًا.. إحنا محتاجين إعادة إصلاح وتهذيب للنفس.
لقاء الخميسي
وفي ذات السياق، تضامنت الفنانة لقاء الخميسي، مع أحمد يحيى حارس مرمى نادي الاتحاد السكندري، الذي هاجمته جماهير نادي الاتحاد بعد دخول 5 أهداف في شباكه، وغادر ملعب مباراة فريقه أمام سيراميكا كليوباترا أمس وهو في نوبة بكاء شديدة.
وكتبت لقاء الخميسي، أمس منشور في حسابها بموقع فيس بوك، تدعم خلاله حارس المرمى أحمد يحى، قائلة: الحقيقة أن الواحد ساكت بقاله سنين، بس اللي حصل النهاردة لا يسكت عليه، الأخلاق راحت فين الإنسانية راحت فين؟ إيه بجد اللي حصل للناس؟.
وأردفت: مشهد بائس ومخيف ولا يمت للإنسانية بصلة..أحمد يحيى حارس مرمى الاتحاد السكندري، حارس مرمى مثابر ومجتهد وإنسان خلوق وشاب في بدايات مستقبله، توفى أخوه من يومين ونزل الملعب ولعب ووقف وصد وعمل اللي عليه كله، والأخطاء ماتخصوش وحتى لو تخصه ودا مش حاصل.
تابعت: ليه الإهانات ليه الشتيمة ليه التعدي بألفاظ خارجة ليه كل دا؟ يا عالم دي رياضة رياضة مش خناقة ما بين بلطجية، دي متعة مش تعنيف، إيه بقى إمتى هاتفهم أن لاعب الكرة بني آدم يؤدي شغله وبيحس وبيحلم وعنده أهل بيزعلوا أما بيتهان وهما يتهانوا معاه، وعنده أم بتزعل وزوجة بتتجرح على جرحه.
