التحقيقات في قتل سلمى لوالدتها: عشيقها وعدها بالزواج عقب التخلص من الجثة| خاص

كشفت التحقيقات في واقعة مقتل سيدة على يد ابنتها التي تدعى سلمى بالاشتراك مع عشيقها طمعًا في ممتلكاتها بسبب المخدرات تفاصيل ارتكاب الجريمة.

التحقيقات في قتل سلمى لوالدتها

وجاء في أوراق في القضية التي حملت رقم في القضية التي حملت رقم 5862 لسنة 2021 إداري قسم شرطة السيدة زينب، الذي حصل القاهرة 24 عليها أن المتهمة استعانت المتهمة بأحد معارفها لمساعدتها في التخلص من جثة المجني عليها بعد أن أنهت حياتها، حيث وعدها عشيقها بالزواج عقب التخلص من الجثة، طمعا في تقسيم الميراث، الأمر الذي جعلهما يستعينان بمتهم ثالث لنقل الجثمان خارج المنزل بعد أن وضعوه داخل سحارة أريكة.

وقال المتهم الثالث في واقعة مقتل السيدة سحر بالسيدة زينب قائلا: اللي حصل ان يوم الثلاث اللي فات عبد الله السيد وشهرته عبد الله الجمل اتصل بيا الساعة ثلاثة ونص فجر يوم الأربع، وقالي يا خالد انا اخدت شغلانة نقاشة في جاردن سيتى عند القصر العيني عند واحدة دكتورة انا بعملها شغل نقاشة والدكتورة صاحبة الشقة عندها شوية عفش مش عايزاهم وعايزة تطلعلهم لله وانت جيت في دماغي انك تاخدهم، عشان عرفت ان انت في ناس اخدت العفش بتاعك وانت أولى بالعفش، دة بس في كنبة موجودة في الشقة هنزلها بس الكنبة دي تلزمني عشان فيها شوية صيني وآزاز وحتتين خشب هستخدمهم وباقي العفش حلال عليك انت أولى بيه وتعالالي على شارع القصر العيني الساعة 8 الصبح وقولت له ماشي هتصرف في عربية انقل عليها الحاجة وهجيلك.

مقتل سيدة على يد ابنتها

وأكمل المتهم الثالث: الساعة 8 الصبح لقيته بيرن عليا  وقالي هاسبقك على شارع القصر العيني  وابعتلك اللوكيشن تيجي علي الساعة 9:30 وتجيب سواق معاك، وكل شوية يتصل بيا يستعجلني لحد ما اتفقت مع واحد  سواق عربية نص نقل من المنطقة عندنا، وأخدتة وطلعت انا وهو على المكان اللي بعتهولي على اللوكيشن، وعلى ما وصلنا كانت حوالي الساعة 12 الضهر وطلع ان المكان في شارع صفية زغلول، وأول لما وصلت تحت العمارة البوابة بتاعة العمارة وصفتلى الشقة.

وأردف المتهم: أول لما طلعت السلم وإنـا في الدور الثاني لقيت في واحدة بتنده عليا وتقولي تعالي ياخالد، ولما وصلت الدور اللي هي فية وسالت على عبد الله فين قالتلي جوة في الشقة ودخلت الشقة لقيت عبد الله واقف في الريسيشن جوة وصبحت علية واستقبلني وقعدني على الانترية وجابولي حاجة ساقعة وشربتها انا وعبد الله وبعد كدة عبدالله وراني الحاجة اللي هانزلها على العربية.

عشيق سلمى المتهمة بقتل والدتها: تخلصت منها وتعاطت المخدرات للتمثيل بالجثمان

طمعًا في ممتلكاتها بسبب المخدرات.. سلمى قتلت والدتها بالاشتراك مع عشيقها وقماشة ملوثة كشفت الجريمة

وتابع: شاورلي على كنبة استديو مربطة بحبال خضرا بلاستيك كانت موجودة في الريسيبشن وشاور لي على سفرة في الصالة برده و6 کراسی، وشاورلى على جزامة ارابيسك في البلكونة اللي بعد الريسبشن، ووراني شوية حلل ومواعين وقالي تعالی زوق معايا الكنبة دي على جنب شوية علشان نعرف نوسع السكة، ولما جيت احرك الكنبة اللـي بيشارولي عليها المتربطة بحبل الغسيل حسيتها تقيلة جدا، واستغربت من توقلها وقولتله هي فيها ايه ده حتى لو فيها صيني وخشب مش هتبقى ثقيلة الثقل ده كل، وانا ضهري واجعني ومش هقدر اشيلها معاك وساعتها لقيت البت اللي معاة في الشقة ندهت علية وبتقولة تعالى اوريك الخلاط اللي انا هادهولة.

وأكمل المتهم: لقيت عبد الله جالي الريسيشن ساعتها وقالي انت بتعمل اية شكلك وشي فقرهو اكل وبحلقة، الفرصة مش بتيجي الا مرة واحدة انت ما لكش فيه الكنبة جواها ايه ياکش تكون فيها موميا انت تنزل الكنبة والعفش وحلال عليك العفش والكتبة دي تلزمني.