تامر حسني: قدمت بحبك لأن السينما كانت مليانة بالعنف.. ومش عارف هألِّف وأخْرِج تاني ولا لأ
كشف الفنان تامر حسني، كواليس التحضير لفيلمه بحبك، الذي طرح في دور العرض، تزامنًا مع عيد الأضحى، وشاركه بطولته كلا من: هنا الزاهد وهدى المفتي.
وقال تامر حسني، خلال مداخلة هاتفية لبرنامج كلاكيت المذاع على نجوم إف إم، إنه قرر تقديم فيلم بحبك؛ لأن السينما المصرية أصبحت تقدم على مدار السنوات الماضية، أعمالًا مليئة بالعنف، موضحا: الواحد بيتفرج على الساحة السينمائية عامله إزاي، كلها ضرب وقتل ودم، وكل ما أفكر وأقعد مع المنتجين؛ أقول عايز أعمل فيلم رومانسي، يقولولي لأ، كوميدي، يتخضوا جدا، ويقولوا خليك في حاجة تانيه، وأقولهم لأ، كده غلط، لازم نتصدى لده.
إيرادات فيلم بحبك
وأما عن تحقيق الفيلم لإيرادات عالية عالميًا، قال تامر حسني: ربنا راضاني بإيراد عمري ما كنت أتخيله، ودخلت بالفيلم، لازم يكون في مشاعر وعواطف، وطلعت أنا الصح في الآخر، وأتمنى يشوفوا المنتجين اللي قالولي متنزلش الصيف ده، وذاكرت كويس وتعبت، والكاست كله كان كويس.
وأشار تامر حسني في حديثه، أنه يحضر للعمل منذ عامين ونصف، مشيرًا إلى أنه سعيد بردود الأفعال حول العمل في أمريكا وكندا والوطن العربي.
وأكمل الفنان تامر حسني، أنه يجتهد طوال الوقت، ويركز في عمله باستمرار وحريصًا على المذاكرة حتى يخرج العمل في أفضل شكل سواء أغانيه أو أفلامه،، مضيفًا أنه لا يعلم إذ كان سيؤلف ويخرج سويًا مرة أخرى أم لا: الله أعلم هعمل كده تاني ولا لا.. لازم في مشاعر توصل للناس وفي حاجات كتير في الحب مبقتش موجودة زي الأول.. السينما بقالها كتير بتعبر عن حاجة معينه وهي العنف.
