مجدي سعيد: الفن مش بيأكّل عيش.. وفينا فئة مظلومة بتاخد علاجها من النقابة
قال الفنان مجدي سعيد، إن مجال الفن اختلف كليا، عن قديمًا، وأن العمل مع الجيل الحديث مختلف عن الجيل القديم، مؤكدا أنه كان هناك التزاما أكثر من حاليا.
وقال مجدي سعيد في تصريحات لـ القاهرة 24: الجيل القديم من الفنانين يختلف كليًا عن الجيل الحديث، كان في التزام أكتر وسلوكيات الفن احترامهم لمواعيدهم.
وتابع مجدي سعيد: هذا الالتزام وفهمهم للدور كان مختلف، لو قارنت هظلم الجيل الموجود دلوقتي، لأن كله بيقلد بعضه في حاجات كتير في البس والسلسلة والأداء وأنه مش فاضي ومشغول واللي شغال في ثلاث أربع أعمال وناس مش شغالة خالص.
واستكمل مجدي سعيد: الفن مش بيأكل عيش هي مهنة زي أي مهنة بس هي أعبائها كتير، وأيضًا نظرة المجتمع للفنان أن حد عنده أملاك كتير ويتقاضى أجر عالي.
وواصل مجدي سعيد: إحنا فينا كتير فئة مظلومة وبياخدوا علاج من النقابة ومش بياخد الأجر الكبير اللي الناس بتقول عليه، وبيكون مطلوب منه أنه يتعامل مع الناس بأسلوب كويس حتى لو تعبان بسبب أنه شخصية عامة، وممكن يتنصب عليه ويتعامل معاملة سيئة وميتكلمش علشان أنت فنان.. الفن مش بالشكل اللي الناس متصوراه.
أعمال مجدي سعيد
وشارك مجدي سعيد في الماراثون الرمضاني لعام 2022، من خلال مسلسل الاختيار 3، وحقق نجاحًا كبيرًا من خلاله، وهو من بطولة ياسر جلال، أحمد عز، كريم عبد العزيز، أحمد السقا، إيمان العاصي، مجدي سعيد، محمد رياض، وهو من إخراج بيتر ميمي.
