زوج ميكب أرتيست المحلة: أم العروسة السبب.. والعروسة قالت أنا مش فاضية للقرف بتاعكم ده
شهدت مدينة المحلة الكبرى بمحافظة الغربية واقعة غريبة بطلتها خبيرة تجميل وعروس في أوائل العقد الثالث من العمر بسبب الخلاف على المقابل المادي لمكياج العروس.
تصدرت الواقعة خلال الساعات الماضية مواقع التواصل الاجتماعي على فيسبوك عندما أقدمت عروس تدعى آلاء العزب على الاتفاق مع خبيرة تجميل على أنها سوف تخضع لمكياج سواريه لحضور حفل خطوبة إحدى صديقاتها بمقابل مادي 450 جنيها و50 جنيها رموش لكن حدث اختلاف على المقابل المادي للمكياج عندما ظهرت والدة العروس.
زوج ميكب أرتيست المحلة يكشف تفاصيل جديدة عن الواقعة
وكشف محمد طارق زوج ميكب أرتيست المحلة خلال البث المباشر عبر القاهرة 24، تفاصيل ما تم تداوله على مواقع التواصل الاجتماعي عن إجبار زوجته فتاة والمعروفة إعلاميًا بـ عروس المحلة على غسل وجهها أثناء خضوعها لمكياج سواريه بعد اكتشاف أمرها أنها عروسة.
زوج ميكب أرتيست المحلة: أم العروسة السبب
وقال زوج ميكب أرتيست المحلة إن إحدى الفتيات اتفقت مع زوجته مالكة صالون تجميل على عمل مكياج سواريه بمقابل مادي 500 جنيه، وبالفعل تم عمل مكياج سوارية للفتاة عادي لكن اتفاجئنا بمامتها داخلة من أول السنتر بصوت عالي هي فين العروسة اللي اسمها كذا، ردينا عليها حضرتك معندناش عروسة بالاسم ده، وبعد ذلك تبين أن آلاء هي العروس ولديها حفل خطوبة بعد عمل المكياج السواريه الذي استغرق مدة زمنية 3 ساعات.
وتابع، زوجتي قامت بإبلاغ العروس بإضافة بعض اللمسات الخاصة بمكياج الخطوبة مقابل أجر مادي مختلف عن مكياج السواريه لافتًا إلى أن مكياج السواريه يختلف عن مكياج الخطوبة، قائلا: عشان دي مش سواريه دي عروسة في الأول والآخر ده في وشنا، وبناء عليه هيبقى في فرق بسيط في الحساب ولو كان من الأول موضوع الفلوس، الموضوع كان هيختلف احنا الحمد لله بنعمل لله كتير في شغلنا، وإن على الأقل التعديلات بتاعة الميك أب لازم تليق على فستان الخطوبة، اللي برضه اتفاجئنا بيه في آخر لحظة وطول اليوم كانت لابسة أسود لبس خروج مش فستان.
العروس تستشيط غضبا:أنا مش فاضية للقرف بتاعكم
وأوضح، وما كان رد فعل العروس عقب ذلك إلا أنها استشاطت غضبا بعد اكتشاف الأمر من خلال والدتها أن المكياج لحفل خطوبتها وليس حفل سواريه صديقاتها، ورفضت إكمال المكياج والطرحة والفينش النهائي قائلة: أنا مش فاضية للقرف بتاعكم ده، ولو عاوزين 500 ألف جنيه على الجزمة، وأنا كده كده الميكب بتاعكم مش عاجبني.
وأضاف، لما لقيت الفتاة بتكلم معانا بالأسلوب والطريقة دي وبتحاول التقليل من شغلنا والتهكم على زوجتي والتحدث بطريقة غير لائقة، عرضت عليها تاخد فلوسها اللى دفعتها وتمسح المكياج مدام مش عجبها شغلنا اللى كانت في أول الأمر طايرة بيه.
