بعد هجومه على حلمي بكر.. نجل حميد الشاعري يكشف تفاصيل تعرض والده لوعكة صحية
كشف نديم الشاعري، نجل الفنان حميد الشاعري، عن تفاصيل تعرض والده لوعكة صحية مؤخرًا حيث طالب الجمهور بالدعاء له.
وقال نديم الشاعري في تصريح خاص لـ القاهرة 24، إن والده تعرض لوعكة صحية شديدة مؤخرًا، حتى شعر بأنه فيروس كورونا، ولكن بعد الفحوصات أكد الأطباء أنه أنفلونزا شديدة.
من ناحية أخرى، كان قد هاجم نديم الشاعري نجل الفنان حميد الشاعري، الملحن حلمي بكر؛ بسبب هجوم الآخر على حميد في البرامج التلفزيونية.
وكتب نجل حميد الشاعري عبر حسابه الشخصي على فيسبوك، الآتي: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم.
وأضاف: أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم.
منشور نجل حميد الشاعري
وتابع نجل حميد الشاعري: هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو.
واختتم نجل حميد الشاعري حديثه، قائلا: حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس.
