شيرين عبد الوهاب لـ حسام حبيب: فوق يا ابني واعرف أنت بتكلم مين.. دا أنا أتجوز قرد ولا أرجع لك
كشـفت الفنانة شيرين عبد الوهاب تفاصيل علاقتها بـ حسام حبيب، مشيرة إلى أنها كذبت على الجمهور، وكانت تحاول تجميل صورته؛ سعيًا للتخلص منه، لأنه أكثر شخص أذاها.
شيرين عبد الوهاب عن حسام حبيب: عمري في حياتي ما اتأذيت بالشكل ده غير منه
وقالت شيرين عبد الوهاب في تصريحات تلفزيونية: حسام إنسان فاضي وقلبه أسود ومش بحبه.. حبِّتُه عقربة مش لاقيه تنام فيها.. أنا في حياتي عمري ما اتأذيت بالشكل ده غير منه.. إنسان قلبه أسود.. إنسان فاضي ويغتاب كل الناس.
وواصلت شيرين عبد الوهاب: أنا خرجت من العلاقة دي بالوَكْسَة والهم والندم وبكل حاجة وحشة.. وعملت له محضر بعدم التعرض ليا ولبناتي، أنا عاوزة أستغفر ربنا؛ لأني كدبت كتير على الناس، وحاولت أجمِّل صور حسام حبيب، وأنا مبحبش الكدب، وكنت بجمل صورته بس؛ عشان يغور ويتجوز وأرتاح منه، وعربيتي المرسيدس كانت باسمه، واتسرقت وإحنا في الساحل الشمالي.
وأضافت شيرين عبد الوهاب: والد حسام حبيب تقريبا هو المتحدث الرسمي لعلاقتي أنا وحسام حبيب، وأنا عمري ما هرجع لحسام أبدا، دا أنا أتجوز قرد ولا أتجوز حسام، وبقول لـ حسام حبيب فوق يا ابني واعرف أنت بتكلم مين.. أنا من القلعة.. دا أنا أتجوز الفيل أبو زلُّومة أو القرد اللي في جنينة الحيوانات ولا أرجع له تاني.
