أسرة حسن أبو السعود لـ شيرين عبد الوهاب: قلة الأصل زايدة.. والإساءة لشخص ميت أكثر انحدارا من الدناءة
ردت أسرة الموسيقار الراحل حسن أبو السعود، على تصريحات الفنانة شيرين عبد الوهاب، عن الموسيقار الراحل، قائلة: التنمر والسخرية من الناس عيب، بس العار الحقيقي؛ هو التنمر والسخرية من شخص ميت.
وأضافت أسرة الموسيقار الراحل حسن أبو السعود، خلال بيان رسمي لها منذ قليل،: مش هقول شخص واكلين معاه عيش وملح، وله فضل علينا؛ لأن قليل الأصل ممكن يتناسى وينكر ده، عادي؛ لأن الإساءة لشخص ميت، مستوى أكثر انحدارا من الشر والدناءة.
وأكدت الأسرة: وقت الحساب، المسيء هيقول لربنا إيه، هيقوله لأ ما تحاسبنيش إني بتريق على ميت، وبجرحه وبجرح محبيه وأسرته؟، أصل أنا موهوب أو مشهور أو غني؟، لأ ما تحاسبنيش أصل أنا أحسن فنان في الكون؟، للأسف المسيء في ابتلاء شديد، مش فاهم إنه عمال يحفر ويوسع في الحفرة لنفسه.
أسرة الموسيقار حسن أبو السعود ترد على شيرين عبد الوهاب
وأوضحت الأسرة خلال بيانها: للأسف الشر زايد، وقلة الأصل زايدة، وقلة الأدب مسكوت عنها، وكمان الأفاقين ماسكين راية دفاع مستديم عن الظلم والإيذاء، ميزان وبيتملي، ربنا يجعل وجع قلبي ودعائي الليلة دي، وليالي قبلها بسبب الإساءة المتكررة والحقد الظاهر في الطاقة والكلام، من نصيب أي وكل مُسيء.
واختتمت الأسرة، حسن أبو السعود الله يرحمه شكلًا كان قمر وشخصيةً كان دمه سكر وطيب وكريم ومتواضع ومثقف وبيتكلم 3 لغات أجنبية بطلاقة ولبق وذوق، فمش ممكن هتكوني شبهه في يوم من الأيام.
ويشار إلى أن شيرين عبد الوهاب، قالت، في تصريحات تليفزيونية، مساء أمس، عن اتهام والد حسام حبيب لها بإدمان الأدوية: ما أدمنتش الأدوية زي ما أبوه بيقول.. ولو كنت أدمنت الأدوية وتعبت وتخنت.. فده عشان حياتي معاه.. أنا كنت زي البدر.. ولما عاشرته.. بقيت شبه حسن أبو السعود.. لكن خلاص أنا مش فاضياله دلوقت.. بحضَّر أحلى أغاني.. وأحلى فيلم.. وفيه دنيا مستنياني وعالم.
