شريك القاضي المتهم بقتل شيماء جمال: أنا سألت يا باشا هنقتلها إزاي قالي ملكش دعوة| تحقيقات
يواصل القاهرة 24 نشر التحقيقات في القضية مقتل المذيعة شيماء جمال التي حملت رقم 10229 لسنة 2022 جنايات البدرشين المقيدة برقم 2118 لسنة 2022 كلي جنوب الجيزة المقيدة برقم 13 لسنة 2022 حصر تحقيق نيابة استئناف القاهرة.
التحقيقات في القضية مقتل المذيعة شيماء جمال
قال المتهم الثاني وصديق القاضي المتهم بقتل زوجته خلال التحقيقات في القضية مقتل المذيعة شيماء جمال: أنا سألت المستشار أيمن هنعمل كده إزاي قالي ملكش دعوة هي تلقى فيا، وأنا هقولها إني خلصت مصلحة لواحد وهو إداني المزرعة دي وهكتبها باسمك، بس أنت وضب وجهزالمزرعة بحيث هي لما تشوفيها تتشد ليها وتقول دي مزرعة لوئطة وحلوة والباقي عليا وإداني شيكين بالفعل باسم محمد أبني بمبلغ 50 ألف جنيه والثاني مبلغ 20 ألف جنيه، وأنا أبتديت أجهز المزرعة وأوضبها وفي خلال 15 يوم كنت وضيت المزرعة من اعمال السباكة والكهرباء والنقاشة وعرفته ويوم الخميس أنا قابلته وقعدت معاه برضه في الكافيه لقيته بيقولي إنه عاوز ياخد مراته المزرعة ويكتفها وبعضها على تنازل على جميع مستحقاتها وإيصالات أمانة ويخوفها وتمشي بعدها وقالي أنت ملكش دعوة بأي حاجة.
وتابع شريك القاضي المتهم بقتل شيماء جمال: قالي أنت بس هتيجي بالعربية المرسيدس بتاعتك وتوقفها قدام المزرعة علشان تفتكر أنها بتاعت صاحب المزرعة، وأنه راجل غني وبعدين تخش تعملي شاي، وأنا هعمل كل حاجة، فأنا وافقته ويوم الجمعة أتقابلنا في المزرعة وغيرت المفاتيح وإدتهاله وبعدين هعدي عليك يوم السبت وحالي فعلًا ورحنا عند واحد موان في المريوطية واشترينا سلسلة حديد وكوريك وفاس و3 أزايز مية نار.
