مصطفى كامل يبكي على الهواء بسبب والده: أقسم بالله ما بإيدي
تحدث المطرب مصطفى كامل، عن علاقته بوالده، ومدى ارتباطه وحبه الشديد له، وقصة رفضه لدخوله المجال الفني في البداية.
وبكى مصطفى كامل خلال لقاء تليفزيوني وقال: مراتي وصتني وقالت لي لو جت سيرة والدك ما تبكيش على الرغم من أنه متوفى من سنة 1996 لكن كل ما تيجي سيرته أقسم الله ما بإيدي بلاقي دموعي نزلت، والحمد لله إنه شاف 4 أو 5 سنين من قمة نجاحي.
وأشار إلى أنه في البداية رفض دخوله الوسط الفني، ولكن بعد نجاحه دعمه، مضيفًا: الصحافة كانت بتشتمني وكنت من أكتر الناس اللي اتهاجمت حتى في تسلم الأيادي وفي قمة نجاحي اتهاجمت، وأبويا وهو بيحتضر قلت له هسيب الفن، قال لي اوعى، خليف واقف وحارب، وبقى هو اللي فرحان بنجاحي.
أول فنان يصرح بأنه من حواري مصر القديمة
من ناحية أخرى، تحدث مصطفى كامل، عن حياته قبل الشهرة، لافتًا إلى أنه أول فنان يصرح بأنه من حواري مصر القديمة.
وأضاف: كل الناس عارفة عني حياتي الخاصة، كنت أول شاعر يكون معروف للناس، وكنت أول فنان يصرح إنه من حواري مصر القديمة ومن شارع القبوة في مصر القديمة اللي قدام كنيسة ماري جرجس ودي منطقتي وبعتز بيها.
واستكمل: مهما أسكن في أي مكان مصر القديمة في دمي، ووالدي كان ظابط وكنت ليه كل حاجة في حياته، لأني كنت الكبير، وكان مصادقني وحبيبه وصاحبه وأمله، وكان عاوزني في كل حاجة لكنه سبب لي مصيبة كبيرة لأني اتحملت وأنا شاب مراهق أحلام أبويا غصب عني، كنت لازم أحققها له وكمان أحلامي.
