من رد سجون إلى هعلمك الرجولة.. تفاصيل حرب التصريحات بين علاء مبارك وعمرو أديب |فيديو
بالتزامن مع ذكرى تنحي الرئيس الأسبق محمد حسني مبارك، اندلع أمس الاثنين، حرب باردة بين الإعلامي عمرو أديب، وعلاء مبارك نجل الأول، بعد أن أعاد الأخير نشر فيديو لـ”أديب” عبر منصات السوشيال ميديا، يظهر فيه تناقض كبير في تصريحات الإعلامي أثناء تواجده في الحُكم وبعد تنحية عن الحُكم بعد ثورة 25 يناير، على طريقة “قبل وبعد”.
وكان الفيديو الذي نشره علاء مبارك بمثابة فتيل اشعل نيران تلك الحرب، خاصة أن عمرو أديب، انتقم لنفسه وشن هجومًا عنيفًا على نجل الرئيس السابق، معيدًا الأذهان لشهداء الـ25 من يناير، وأموال مصر التي سربت للخارج ومعايرة علاء بأنه “رد سجون”، ليرد عليه بتدوينة جديدة، مما جعل العديد يتكهن بأنهما تراشقا التصريحات خلال الفترة التالية.
فيديو يظهر تناقض تصريحات الإعلامي عمرو أديب
تحت عنوان “بدون تعليق”، نشر علاء فيديو لمقابلة للإعلامي المصري وهو يمدح الرئيس المصري وعائلته أثناء مقابلة له تعود لعام 2010، مع الإعلامية وفاء الكيلاني، فيما يهاجمه عبر برنامجه بعد قرار التنحي ويظهر في ثوب الثوري وكأنه أكثر المعارضين لنظام “مبارك” وأبناءه.
بدون تعليق !? pic.twitter.com/zHMFSI1Hc4
— Alaa Mubarak (@AlaaMubarak_) February 11, 2019
وخلال الفيديو دافع عمرو أديب بشدة في مقابلات سابقة عن مبارك ونظامه، وأثنى على تعامله مع الصحفيين معبرًا عن حسرته لرحيله، إلا أنه هاجمه في لقاءات آخرى، معبرًا على أنه كان مكممًا للأفواه وكابت لحريته، وأنه كان يكرهه هو ونظامه، وانتقد المنادين بعودته، مؤكدا أنه يكره مبارك لأنه تسبب في خراب البلد.
الإعلامي عمرو أديب ينتقم لنفسه: “يا رد سجون”
وبعد تداول تلك الفيديو بشكل كبير، وهجوم مستخدمي مواقع التواصل الاجتماعي على عمرو أديب، منتقدين التغير الواضح في موقفه الإعلامي، لم يجد “أديب” أمامه سوى أن يرد عبر منصته الإعلامية “mbc مصر”، من خلال برنامج “الحكاية”، قائلًا: “اللي يقربلي هقربله، واللي هيهاجمني ههاجمه، ولو أنا سايبك ومش بقرب ليك مش معنى كدا إني خايف منك”. وأضاف “أديب” خلال تقديم البرنامج، “النهاردة ذكرى تنحي مبارك، وفي أوقات كتيرة، أنا شخصيا كنت موجود في الوقت ده وأعرف مبارك وأبناء مبارك، علاء بيه وجمال بيه، وحصل اللي حصل ودخلوا السجن، وعمري ما قربت ليهم، لأن مش مرجلة ولا فروسية الناس تبقى في السجن فتشتمها، والنهاردة قعدت أفكر لو مكانشي مبارك مشي، كان هيبقى إيه الوضع، كان زمان جمال بيه بيحكم، وعلاء بيه بيقبض”. وتابع الإعلامي: “أنا عمري ما قربتلهم، أنا قربتلهم وقت ما كانوا موجودين، وقعدت في البيت علشان قربت لجمال بيه، علشان استجريت وقربت لجمال بيه، ومصر كلها عارفة الحكاية دي، والنهاردة فجأة علاء بيه فكر يوم تنحي الوالد، اليوم الأسود في حياته، إنه يهاجم عمرو أديب”. وأكد أديب أن تلك التصريحات مقتضبة من كلام الحديث، “خد جملة من لقاء ومكملش اللقاء على الرغم من إنه عارف إن اللقاء ده هو اللي قعدني في البيت علشان قولت مينفعشي جمال يحكمنا، ويومها قفلوا الأستديو، وجمال وعلاء زعلوا”. ووجه رسالته للمصريين، الذين وافقوا الفيديو وهاجموه بقوله: “هوا الراجل ده مش إنتو اللي شيلتوه، إنتوا نسيتوا عمل إيه هو وعيتله، هو علاء بيه نسي، إن كنتوا نسيتوا اللي جرا هاتوا الدفاتر تنقرا، لا هتكلم عن الـ70 مليار، مش على آخر الزمن واحد رد سجون هيعلمنا الأدب”.
أديب يعنف نجل مبارك: “افتح صدرك قوي ونتكلم”
وعنف “أديب” نجل الرئيس السابق بقوله: “إنت قررت تفرد صدرك، وإذا كنت جدع افتحه أوي ونتكلم، لو كنت جدع أوي نتكلم بقى، وهسألك سؤال ورد عليا، الفلوس اللي في سويسرا دي بتاعة مين؟.. إنت عارف إني صحفي شاطر، الفلوس دي مثبته من الحكومة المصرية والسوسرية، هو في حد في مصر مكانشي عارف إنت بتشتغل إيه؟”. وأضاف: “لو أنا موانس مع مبارك قعدت في بيتي ليه؟! أنا دورت على شغل في أوتيل ومنعتوني، ولولا برنامج Arabs Got Talent كان زماني في البيت”. واختتم حديثه بقوله: “إنت اللي جبته لنفسك بقى، أنا عمري ما قربتلكو، بس الشيطان وزك، علاء بيه انتهى، والناس دي انتهت والطريقة دي خلصت، ولا إنت ولا جمال بيه هترجعوا تاني وتحكموا تاني، خلص نفسك الأول يابني والقضية وبعدين دوروا عليا، ليه اللف والدوران والهمز واللمز، جبته لنفسك وجيت عند واحد مستبيع”.
علاء مبارك يرد: “كنت قاصد أعلمه معنى الرجولة”
لم يتوقف الأمر عند تلك الحد، بل غرد علاء مجددًا وذلك عن طريق نشر صورة لعمرو أديب مع تركي آل الشيخ، رئيس الهيئة العامة للترفيه في المملكة العربية السعودية، معلقا: “هو الأستاذ عمرو مش فاهم حضرتك، أنا لا أقصد أعلمه الأدب لا سمح الله، بحاول أعلمه وأفهمه معنى الرجولة”، مما جعل البعض يتكهن بخروج عمرو أديب للرد على تلك التدوينة لتشتعل حرب التصريحات بين الطرفين.
