عمرو مصطفى: مش عايز أتكلم عن الآخرين.. وتاريخي يقول إني رقم واحد
قال الفنان عمرو مصطفى إن تاريخه يشهد له بأنه رقم واحد في المجال الفني، وأنه لا يريد الحديث عن أي فنان آخر، ويريد فقط التركيز على مشاريعه المستقبلية، والاستمتاع بالنجاح الذي حققه الفترة القليلة الماضية.
وأضاف عمرو مصطفى، خلال حواره مع المذيعة جيهان عبد الله، في برنامج أجمد 7، المذاع عبر محطة نجوم FM ، أن لكل إنسان رسالة يقوم بتأديتها ويرحل، ورسالته هي تعديل مزاج الإنسان، قائلًا: أنا فرحان بنجاحي وربنا يوفق كل الناس ومش عايز أتكلم عن الآخرين، كل بني آدم خلق في هذه الحياة وله رسالة ستؤديها وتمشي، وأنا أغير مزاج بني آدم، يعني تخلي واحد حالته من حزين لفرحان حاجة كبيرة عند ربنا، وتستخدم موهبتك وتعطيه رسالة حب.
وتابع: حب حياتك وافرح بكل ما حولك، وهذا الهدف من موهبتي، ولما وجدت نفسي مش قادر أقدم حاجة حلوة قعدت سنتين مقدمتش أعمال، وأنا من 2016 كانت عارف إن الصناعة رايحة في داهية، ولكن من سنتين بدأت أذاكر.
وتابع عمرو مصطفى حديثه: مفيش رقم واحد، من تواضع لله رفعه، ودافعت عن نفسي أمام الناس اللي كانت تكتب لي على السوشيال ميديا تدمر معنوياتي، وتاريخي يقول إني رقم واحد مش أنا اللي بقول، لو أخذت بوستر أغنية إلا أنا، وكتبت أسماء أغاني عليها ستجدون تاريخي، وأنا مش مغرور وأتمنى من ربنا إني أكمل على هذا الطريق، ولكنهم استفزوني كتير وحاربوني كتير من وأنا صغير ومش عارف ليه، ويمكن لأن محدش عايز يسمع الصراحة.
وأوضح عمرو مصطفى أنه كان يهتم فقط بالماديات في بداية مشواره الفني، قائلًا: أنا مثلًا كنت ماديًا جدًا وأنا صغير ولكن اعترفت بخطأي وغيّرت من نفسي، المفيد لي كل زملائي يعملوا أغاني حلوة، ومهم الناس تتطور في المزيكا، والناس يقولون لي إن كل الموسيقى الآن أصبحت شبه بعض، ولازم نعمل موسيقى راقية.
