آثار الحكيم لـ القاهرة 24 عن سبب اعتزالها: لو دامت للي قبلي ما كنتش جت لي
كشفت الفنانة آثار الحكيم السبب الحقيقي لاعتزالها التمثيل وابتعادها عن الأضواء عمنذ عام 2009، أي ما يقرب من 13 عامًا.
وقالت آثار الحكيم لـ القاهرة 24: أرفض الظهور تمامًا حتى لو تكريم، لأني اعتزلت كل أنواع التواجد وليس التمثيل فقط، اعتزلت الأضواء والبرامج والمكالمات التليفونية، وأعيش حياة طبيعية هادئة بعيدة عن الضوضاء، إذ أشعر أنني تشبعت ولم تعد تجذبني هذه الأمور.. وأدعو الله أن يثبتني.
لو كانت دامت للي قبلي ما كنتش جت لي
وأوضحت آثار الحكيم: المثل بيقول لو كانت دامت للي قبلي ما كنتش جت لي لازم أكون عملية مفيش حد في الحياة هيفضل النجاح دائم له، ومفيش حد هيكبر هيقدر يعطي بكل طاقته، وأنا تشبعت ولم أعد أستمتع بالتصوير والتمثيل لأنها مراحل كل إنسان بيمر بيها.
واستكملت: من نعم ربنا أننا نكبر ونعجز وصحتنا تقل فمانقدرش نعطي بكل طاقتنا، لأن العجز نعمة بتذهب الطاقة فنقدر نهدى ونبدأ نحاول نعوض التقصير في حق ربنا لأننا في سن العشرينات قد نكون لا نصلي أو نقرأ القرآن وخاصة في حياة الفنانين لأننا طول الوقت مشغولين فبنقصر في حق ربنا، فربنا يعجزنا حتى يعطينا مهلة ونقدر نعوض اللي فات زمان ونلحق نفسنا ونصلي الفروض والسنن في أوقاتها ونقرأ القرآن ونتدبر ودي نعمة وفضل من ربنا.
وأشارت إلى أنها تعلمت من تجارب الآخرين، قائلة: الحكمة بتقول تعيس من لم يتعلم من تجارب الآخرين، فعلى سبيل المثال فاتن حمامة في الفترة الأخيرة كانت بتعمل مسلسل كل خمس سنين علشان سنها وصحتها، ونادية لطفي قالت في لقاء لها أن ماحدش عرض عليها شغل من تسع سنين، وأمثلة لفنانين دلوقتي فبالتالي لازم اتعلم.
مش لازم أستنى لحد ما يقولوا لي مش عاوزينك
واستكملت: مش لازم أستنى لحد ما يقولوا لي مش عاوزينك والجمهور تشبع منك، وده مش عيب في الفنان حتى في أمريكا ميريل ستريب وهي واحدة من الجميلات والقديرات بتشتغل عمل واحد في السنة وده طبيعي لأن الحياة عرض وطلب ودي سنّة الحياة.
