حرقت عضوه الذكري بولاعة.. والد طفل القليوبية: مراتي الثانية عذبت ابني بالخرزانة وكوته في رقبته
واقعة بشعة ومأساوية تعرض لها طفل لم يبلغ من العمر ثماني سنوات على يد زوجة الأب ووالدتها، حيث اتهم الأب زوجته بالتعدي على الطفل الذي لم يبلغ من العمر 8 سنوات وتعذيبه بطريقة بشعة داخل المنزل، وإصابته في منطقة عورته، وحرقه بالرقبة وفمه وأظافره، حسب تقرير مستشفى الحسين الجامعي بشبين القناطر التابعة لمحافظة القليوبية.
تعذيب طفل بالقليوبية
وكشف والد الطفل أ.م 34 سنة "مبيض محارة" خلال التحقيقات في واقعة اتهامه زوجته الثانية بالتعدي على نجله، في القضية التي حملت رقم 17386 لسنة 2022، قائلا: اللي حصل إن يوم الخميس يوم كشف الواقعة كنت في الشغل، ولما رجعت البيت وبسأل مراتي ف.ي فين ابني؟ قالت لي إنه عند أمها ب.ع، وهيبات عندها، فطلبت منها تجيبه فمراتي راحت جابته فعلا ولقيت فمه وارم.
وأردف والد الطفل حديثه قائلا: سألت ابني عن سبب إصابته معرفش يرد بسبب الورم اللي في فمه، وسألت زوجتي مين اللي عمل فيه كده قالت لي هو أكل ملح طعام وهو اللي عمل فيه كده، وبعدها أخدته وجريت على دكتور في شبين القناطر، وكان معانا حماتي والدة زوجتي الثانية، والدكتور حوّلنا على مستشفى الحسين الجامعي عشان ابني فيه حاجة مش طبيعية بخصوص أصابته في فمه
وأضاف والد الطفل: عندما وصلنا لمستشفى الحسين الجامعي اتعلق للطفل محاليل وعملوا له تحاليل وإشاعات، وظهر للدكاترة إن ابني فيه إصابات في الأظافر في إيده الاثنين وأظافر رجله الاثنين وحرق في عضوه الذكري، وحرق في رقبته من الناحيتين، وحرق في فمه من الخارج والداخل.
وأكد والد الطفل خلال التحقيق قائلا: لما سألت ابني مين اللي عمل فيك كده قالي إن حماتي ب.ع وابنتها زوجتي الثانية ضربوه بخرزانة وحرقته بولاعة.
وهى مش أم ابني ده لأني لسه متجوزها من أربع شهور، وأم ابني ده أنا مطلقها ومش معانا - هما اللي عملوا فيه كل ده فأنا طلعت على مركز شبين القناطر عملت محضر باللي حصل وده كل اللي حصل.
