وائل الفشني: لم أدرس الموسيقى.. وأذاكر عن طريق الاستماع
قال الفنان وائل الفشني، إن يوم رأس السنة الهجرية هو أحد أهم الأيام التي يهتم بها المصريون ويرغبون دائما في الاحتفال بها عبر ذهابهم إلى السيدة زينب أو سيدنا الحسين، مؤكدا: أنا بحب الأجواء دي وبكون متواجد هناك دائما.
وائل الفشني: أعتمد على السمع في المذاكرة
وأضاف الفشني، خلال استضافته مع الإعلامية قصواء الخلالي، خلال حلقة اليوم الجمعة، من برنامج في المساء مع قصواء، على قناة cbc: اللون اللي ظهرت بيه مش بعيد عن الحب في الإنشاد، ودي حاجة من عند ربنا مش من عندي أنا.
وأوضح أنه لم يدرس مجال الغناء حتى يتفوق فيه، لذا فقد سعى إلى المذاكرة ومعرفة كل ما يخص الموسيقى والغناء، مؤكدا: «أعتمد على السمع في المذاكرة، واللي بيلزق في ودني بردده بكل الطرق، وعندي 7 من خيلاني شيوخ وكان أصواتهم حلوة، والمذاكرة بالنسبة ليا أني أسمع، وأحيانا بسمع أنواع مش عايز أسمعها بس عشان أتعلم».
وائل الفشني: الناس لسه بتحب أغنية واحة الغروب وبتطلبها مني
وتابع: الناس لسه بتحب أغنية واحة الغروب وبتطلبها مني، وبيطلب مني أغني للأستاذ سيد مكاوي، وكتير بيحبوا يسمعوني في ابتهالات رمضان، وعندي نوعين من جمهوري بستغربهم جدا أولهم الأطفال وثانيهم مرضى متلازمة داون، مرتبطين بيا جدا وبيحسوني أوي وأنا ببتهل، ده اللي عرفني أني حقيقي مش بكدب.
