خطف بنتي يوم الرؤية.. محامي يحرم طليقته من طفلتها بالمحلة| فيديو
حبيبتي حتة من قلبي اتخطفت قدام عيني.. بهذه الكلمات استغاثة إحدى السيدات من تعرض طفلتها تدعي حور 9 سنوات للخطف من طليقها يوم الرؤية حيث استغل الشاب تواجده مع الطفلة وغافل طليقته وفر هاربا ومعه الطفلة بنادي الشباب بمحلة أبوعلي بمدينة المحلة بمحافظة الغربية.
شاب يحرم طليقته من طفلتها ويخطفها يوم الرؤية
وقالت مريم سعد والدة الطفلة حور، في تصريحات لـ القاهرة 24: امبارح كان أصعب يوم عدى عليا كأم بنتي حبيبتي حتة من قلبي اتخطفت قدام عيني.. ومعرفتش أعملها حاجه وامبارح كان يوم رؤية بنتي لـباباها زي كل يوم رؤيا أتحركت وروحت المكان المخصص وهو نادي الشباب بمحلة أبوعلي وكانت معايا حبيبتي وحتة من قلبي.
خطف طفلة يوم الرؤية
وتابعت مريم: قعدت أنا وهي وأبو بنتي كان بيلعب معاها على الطرابيزة وكانت معايا صديقة ليا متواجدة في الخارج، فجأة جاله تليفون وأنا مخونتش وشال بنتي فجأة ليقته بيجري ناحية الباب وكانت في عربية أخته ا -ف-م- واقفة بره جاهزة للحركة، صوت جامد ونديت عليه صاحبتي جريت وراه وشدت بنتي وركبت معاه العربية ورماها من العربية ع الأرض وجرو بالعربية وخبطوها.
وأضافت والدة الطفلة: بنتي حتة من قلبي عمرها 9 شهور رضيعة بقالي 28 ساعة معرفش عنها حاجه وبنتي مبتاكلش ربنا يرزقني الصبر والسكينة واسمه م ف م، شغال محامي وبيستغل اسمه وسلطته وعملت محضر بالواقعة في المركز وتم عمل تقرير من إدارة النادي بالواقعة.
