تامر حسني: بناتي وقفوا جنبي ودعموني بعد توتري في حفل نادي الميريا بـ إسبانيا
كشف الفنان تامر حسني سبب توتره في حفل نادي الميريا بإسبانيا، ودعم ابنتيه له ووقوفهما بجانبه قبل صعوده على المسرح.
ونشر تامر حسني عبر حسابه الرسمي بـ انستجرام صورة له مع بنتيه قائلا: قبل صعودي المسرح للحفل الأسطوري لنادي الميريا بإسبانيا اللي هحكيلكوا كل تفاصيله في البوست القادم، مش عارف أنسى لحظة لما شافوني خايف عشان أول مرة أواجه جمهور أسباني بالكامل.
وأضاف: ومكنتش عارف إزاي هيستقبلوني فكان باين عليا التوتر ففضلوا جانبي طول الوقت، بيدعولي وبيقولولي متخافش يا بابا، لحد ما نزلت كواليس أرض الملعب متفائل بدعواتهم وطبعًا المفاجأه استقبال الجمهور الأسباني ليا وليها بوست خاص، وطبعًا أستاذ آدم معانا بس كان نايم كالعادة عشان الوقت كان متأخر، ربنا يخليكوا ليا يافرحة عمري.
آخر أعمال تامر حسني
وشارك تامر حسني في موسم عيد الأضحى بفيلم بحبك، وضم العمل عدد كبير من النجوم أبرزهم: هنا الزاهد، هدى المفتي، حمدي المرغني، مدحت تيخا، أحمد عزمي، وعدد آخر من الفنانين، والفيلم كان من تأليف وإخراج تامر حسني، ودارت أحداث العمل في إطار كوميدي رومانسي، وحقق إيرادات حتى الآن 30 مليون جنيه.
وطرح ألبوم تامر حسني الجديد خلال الفترة الماضية وحمل اسم عشأنجي، وحققت بعض الأغاني نجاحًا كبيرًا من أبرزهم، هدلعني، عشأنجي، وغيرهم من الأغاني.
