روبي: دخلت الفن عشان أجيب فلوس الدروس.. وكنت عايزة أشتغل موظفة وأتجوز
تحدثت الفنانة روبي عن بداية مشوارها الفني، مشيرة إلى أنها حينما عملت كموديل، حياتها أصبحت أصعب كثيرًا بالإضافة إلى أنها شعرت بالضغوطات بسبب تعرضها للانتقادات بعد طرح أول أغانيها.
وقالت روبي خلال تصريحات متلفزة: لما بقيت موديل إعلانات، حياتي اتلغبطت للأصعب وكمان إثارة الجدل كانت مضايقاني علشان أغانيا اللي كانت جرئية.. وعلى فكرة هي كانت جريئة وقتها لكن دلوقتي عادي خالص، ووقتها كنت مبسوطة وبرقص كأني برقص في بيتنا.
وتابعت عن سر شبابها: أنا عندي 40 سنة وبقول للبنات اشربوا مياه كتير لأنها تجدد خلايا البشرة.
دخلت الفن من أجل الفلوس
وأكملت: دخلت عالم الفن واشتغلت موديل عشان كنت عاوزة أشتري لبس ليا وأوفر فلوس دروس الثانوية العامة، ولم تخطر ببالي الشهرة، ودخلت مجال الفن لـهدف مادي فقط، لكن يوسف شاهين اختارني في فيلم سكوت هنصور وبدأت مسيرتي الفنية والشهرة، وقبلها كان طموحي في البداية إني أشتغل موظفة وأتجوز.
وفي سياق آخر، أكدت روبي، أنها رفضت أغنية حتة تانية بسبب كلمة هوباـ عندما عرضت عليها من الملحن عزيز الشافعي، بسبب غرابة الكلمات، موضحة: اتخضيت من كلمة هوبا جدًا.. ورفضت الأغنية تمامًا في البداية، وقلت لعزيز شافعي ملهاش معنى وكان في خناقات بينا، وسبحان الله هو كان فاهم دماغ المصريين، واتخضيت من ردود أفعال الناس، وبستغرب عزيز أوي بيكتب الكلام غريب وصايع ونفسي أدخل دماغه أقول له أنت مجنون.
