مديحة حمدي: عمري ما فكرت أخلع حجابي.. إحنا مش هنهزر مع ربنا ده فرض
مديحة حمدي:
صرحت الفنانة مديحة حمدي بأنها تستعد للعودة للمشاركة في عمل فني بعد فترة غياب طويلة، مشيرة إلى أنها لم تختر حتى الآن لكنها تقرأ أكثر من عمل معروض عليها.
وأضافت مديحة حمدي لـ القاهرة 24: بشكر كل جماهيري اللي نفسهم يشوفوني تاني على الشاشة وفي حاجات تحت القراءة لسه ما خترتش حتى الآن، وطبعًا اللي منعني عن الفن الفترة اللي فاتت وفاة زوجي لأني مريت بفترة مش لطيفة والحمد لله ربنا بينسي.
الأرض كانت ممهدة لي
وأكدت مديحة حمدي أنها منذ بداية عملها بالفن لم تواجه أي صعوبات، قائلة: من وقت ما بدأت العمل في الفن وأنا الأرض كلها ممهدة لي وما تحطتش في مشاكل أو مساومة ورشوة أو تنازل، ودخلت الفن على ديني برفق وراضية ومرضي عني وربنا أهلني بكثرة للأعمال الدينية.
عمري ما فكرت أتنازل عن حجابي
وأشارت إلى أنها ارتدت الحجاب منذ 30 عامًا ولم تفكر يوما ما في خلعه، أو التنازل عنه من أجل التمثيل، قائلة: عمري ما فكرت أخلع حجابي من يوم ما لبسته وقلت لنفسي هدفن بيه هو إحنا هنهزر مع ربنا ولا إيه ده فرض مش سنة، وعمري ما خفت من أنه يقيدني طالما ربنا موجود معايا، وزوجي اللي يرحمه قالي وقتها تأكدي من ارتدائه علشان مش هسمح لك تخلعيه.
وعن رأيها في الأعمال التي تقدم بالتلفزيون، قال: مصر ولادة كل الشباب الجداد مبشرين جدًا وكذلك التأليف والإخراج نفس الشيء والديكورات فيها تقدم والإضاءة والتصوير.
