لو بتدور تقلل الفاتورة إزاي.. الميكرويف أفضل أم الفرن؟
نشرت الصفحة الرسمية للشركة القابضة لكهرباء مصر، معلومات جديدة بشأن الأجهزة الكهربائية الأكثر توفيرًا للكهرباء.
وأضافت الشركة في منشور عبر صفحتها الرسمية علي الفيسبوك، لو شاغل بالك مين استهلك أكتر، أعرف مننا واستفسر لو بتدور إزاي تقلل قيمة فاتورة الكهربا وعندك ميكروويف وفرن، بننصحك تستخدم الميكروويف علشان تسخن الأكل أفضل من الفرن، في حاجتين مهمين علشان نقدر نقيم أي جهاز كهربائي في استهلاك الكهرباء.
وأشارت الشركة، أولًا- الوات اللي بيستهلكه الجهاز، وثانيًا: عدد الساعات اللي بيشتغل فيها الجهاز، علشان كدا لو قارننا بين الميكروويف والفرن هنلاقي أن الميكروويف متوسط سحبه للكهرباء يتراوح بين 1000 وات في الساعة إلى 1700 وات في الساعة ودا يعتبر معدل متوسط للاستهلاك مقارنة بباقي الأجهزة المنزلية.
وأوضحت الشركة، كمان الميكروويف بيشتغل دقايق بسيطة علشان يسخن الأكل، ودا بيخلينا نقلل من سحب واستهلاك الكهربا اللي بتسخنه في الفرن في نص ساعة، تقدر تسخنه في الميكروويف في 5 دقايق.
الاستعلام عن فاتورة الكهرباء برقم العداد
ويعرض القاهرة 24، خطوات الاستعلام عن فاتورة الكهرباء الشهرية:-
1- يقوم العميل بالدخول على الموقع الرسمي الخاص للشركة القابضة لكهرباء مصر، من خلال الموقع الإلكتروني (هنا).
2- يقوم العميل بإدخال رقم الهاتف الخاص بالعميل والمسجل عند الشركة القابضة للكهرباء.
3- يقوم العميل باختيار الشركة التابع لها في محافظات الجمهورية.
4- يقوم العميل بالضغط على كلمة (الاستعلام عن الفواتير)، ثم إدخال الاسم ورقم العداد الذي يحتوي على 10 أرقام.
5- أخيرًا الضغط على كلمة (استعلام)، ستظهر للعميل فاتورة الكهرباء الشهرية.
