بعد ظهور نتيجة الثانوية العامة │ برلمانية: بلاش نجلد ولادنا ونعقدهم.. كفاية الضغط اللي اتعرضوا ليه
علقت النائبة أميرة العادلي، عضو مجلس النواب، عن تنسيقية شباب الأحزاب، على نتيجة الثانوية العامة 2022 التي أعلنها اليوم الدكتور طارق شوقي، وزير التربية والتعليم، التي أصبحت متاحة الآن لجميع الطلاب للاستعلام عنها برقم الجلوس.
نتيجة الثانوية العامة
ووجهت النائبة لرساله لأولياء أمور الطلاب من خلال منشور لها عبر موقع التواصل الاجتماعي فيسبوك: عزيزي ولي أمر طالب الثانوية العامة ليه ولي الأمر لأن حضرتك مبتعملش حاجة في حياتك غير الضغط على ابنك عشان يجيب المجموع اللي كان نفسك تجيبه أو عشان يبقى أحسن من ابن عمه ولا ابن خاله ولا ابن الجيران أو ابن أي حد بغض النظر عن اهتماماته وهو عايز إيه أصلا.
واستكملت عضو لجنه التعليم بالبرلمان: بعد دروس وحرمان من أي نوع من الترفيه والنشاط لمدة سنتين.. خلاص النتيجة طلعت فبلاش نجلد ولادنا ونعقدهم كفاية الضغط اللي اتعرضوا ليه.. عزيز الطالب أيا كان مجموعك اعمل اللي تحبه مش اللي حد عايزك تعمله.. لو مجموعك مساعدتكش ولا إمكانياتك المالية إنك تدرس اللي بتحبه اختار أقرب حاجة لقلبك وعقلك.. وخد كورسات في الحاجة اللي بتحبها لو ينفع يتاخدلها كورسات.. وافتكر إن محدش بيشتغل بشهادته إلا قليلا.. محدش بيشتغل شغلنته إلا قليلا.. وأنت في أول المشوار مش نهايته.
وأعلن الدكتور طارق شوقي، وزير التربية والتعليم، أسماء الطلبة الأوائل في الثانوية العامة على مستوى الجمهورية، وكان من نصيب محافظة القليوبية، حصول طالبين على مراكز متقدمة بالشعبة علمي علوم وأدبي.
ظهور نتيجة الثانوية العامة
وبدأ إعلان نتيجة الثانوية العامة 2022 الآن عبر صفحة وزارة التربية والتعليم، حيث بلغت نسب النجاح العامة في نتيجة الثانوية العامة 75.04%، وكذلك أُعلنت أسماء أوائل الثانوية العامة 2022، ووفر القاهرة 24 رابطا دون توقف للاستعلام عن نتيجة الصف الثالث الثانوي 2022 برقم الجلوس.
