حورية فرغلي: إزاي الفن سبب الجرائم إذا كانت الرقابة رفضت الجزء الثالث من ساحرة الجنوب لأنه رعب؟
كشفت الفنانة حورية فرغلي، رأيها في اتهام البعض للفن بالتسبب في انتشار الجريمة، في ظل الجرائم الأخيرة التي انتشرت في المجتمع، إذ اتهم البعض بعض الأعمال الفنية بالتسبب في ذلك، والبعض اتهم أعمال محمد رمضان أيضًا بالتسبب في نشر الجريمة والعنف.
وقالت حورية فرغلي لـ القاهرة 24: الفن بريء من هذه الأقاويل، اللي بيقول كده؛ ينشر الأفلام دي، ويوريها لينا، أنا شخصيًا، رفضوا يخلوني أقدم الجزء الثالث من مسلسل ساحرة الجنوب؛ بسبب مشاهد الرعب اللي فيه، لكن الفن بيمثل الواقع.
حورية فرغلي تعلن تعاطفها مع قاتل نيرة أشرف
وتصدرت حورية فرغلي تريند محرك البحث جوجل، بعد حديثها لـ القاهرة 24 عن رأيها في قضية مقتل نيرة أشرف، إذ صرحت بأنها تعاطفت مع القاتل: صِعِب عليا الولد؛ لأنه صغير جدًا وما عندوش خبرة، وبيصدق كل حاجة، وحبَّها جدا، وغار عليها غيرة عمياء، وفي رجالة لما بتغير؛ بتقتل، وتكون البنت ما عملتش حاجة، يعني من نوعية أنا ما حدش يضحك عليا، وأنا ما يحصلش فيا كده.
واستكملت حورية فرغلي حديثها لـ القاهرة 24 قائلة: هما كانوا صحاب، وساعدها في المذاكرة، وبدأ يحبها قبل ما تكون موديل؛ لأنه حبها لشخصها، فبدأت تغيَّر طريقتها معاه، وسمعت ماسدج من الماسدجات اللي انتشرت وهي بتقول له: أنا لقيت واحد أحسن منك، وفي رجالة لما تسمع الكلام ده؛ لو مرضية يوصل بيهم الموضوع للقتل، والولد قال الكلام ده في المحكمة، وما حاولش حتى يكذب أو يجمل اللي عمله، وفي رجالة كتير بتكون مريضة بمرض الغيرة، بس برضو ما يوصلش للقتل بالمنظر ده.
