رشا شيحة: شقيقتي حلا كانت ترقص مثل مايكل جاكسون.. ولم أصل لمرحلة الرضا | فيديو
تحدثت الفنانة رشا شيحة شقيقة حلا وهنا شيحة، عن أهمية الرقص بالنسبة لها وحياتها الشخصية، وذلك في برنامج La joie de vivre الذي يذاع عبر موقع يوتيوب.
وقالت رشا شيحة خلال حوارها: بحب دايمًا أقول أني بنت أحمد شيحة وفخورة أني بنته، والرقص بالنسبة لي هو تعبير عن نفسي، وحلا كانت شاطرة في الرقص.. كانت بتقلد مايكل جاكسون جدًا، والرقص عندي يساوي بهجة وتخلي، وأنا برقص رقص تعبيري مش شرقي أو غربي وكل الناس بتعرف ترقص.
وأضافت رشا شيحة: لسه موصلتش لمرحلة الرضا الكافية، ومش كل الناس بتدور على الرضا بسبب اللغط اللي احنا فيه، ووجود السوشيال ميديا، والناس بتبحث أكثر عن السعادة من الرضا، والأمومة بالنسبالي هي الحقيقة، والحب ملوش أي شروط هو بيكون من القلب.
أغنية لسه بتسألي
وظهرت رشا شيحة في كليب أغنية لسه بتسألي للفنان هاني شاكر، وطرحت الأغنية عام 2002، وحققت نجاحًا كبيرًا، وهي من كلمات منصور الشادي وألحان حسن أبو السعود.
وجاءت كلمات الأغنية كـ الآتي: هو انتي لسه بتسألي انتي بالنسبالي إيه لا لا لا يا حبيبتي اطمني الجواب عندك لاقيه، لما تجري جوه دمي لما تبقي كل همي، لما أعيش وياكي حلمي تبقي بالنسبالى ايه لما ضلك يبقى ضلي وتبقي أجمل شئ فاضلي، وأما اسهرلك تملي ويا طيفك يبقى ليه لما اتحدى الدنيا عشانك.. لما اتعزب من أحزانك، لما أوهبلك وإنتي مكانك.. كل اللي انتي بتتمنيه.. لما اتحدى الدنيا عشانك.. لما اتعزب من أحزانك.. لما أوهبلك، وانتي مكانك.. كل اللي إنتي بتتمنيه كل اللي إنتي بتتمنيه.
