مصور مقطع فيديو حادث مارينا: مافيش شبهة جنائية.. وإهمال قائدة الدراجة المائية السبب | خاص

كشفت التحقيقات تفاصيل مثيرة في واقعة حادث تصادم بين موتوسيكل مائي "جيت سكى" ومركب بمارينا 2، أسفر عن وفاة صيدلي، أن سائق اللانش كان ساحبا تيوب عليه أربعة أشخاص -المتوفى والمصابين-، وفوجئ بالـ الجيت سكي يصطدم باللانش، ومرفق بالأوراق محضر التحريات المؤرخ 27 يوليو

وأفادت التحقيقات بأن واقعة التصادم غير مقصودة، وبالاطلاع على تقرير مفتش الصحة فقد أسفرت التحريات عن عدم وجود شبهة جنائية بالوفاة، وقد تبين لنا وجود كل من الطرف الأول والثاني المتهمين قائدي المركبات المائية.

جاءت التحقيقات بأقوال مصور مقطع فيديو حادث تصادم بمارينا، وهو أحد أقارب المجني عليه الذي كان جلس داخل اللانش.

س: ما معلوماتك بشأن الواقعة محل التحقيق؟
ج: التي حصل انا كنت طالع الساحل مع اسرتي كلها وابن خالي المتوفى دريم سمير وأسرته وکنا رايحين ناجر جيت سكي وتيوب في البحيرة بتاعة مارينا 2، وروحنا على مكان لتأجير الألعاب المائية واتفقنا تبدأ بالتيوب الأول وديه عوامة بتتربط في لانش يجرها في المياه ويفضل الموج ينططها، وبعدين ركب في التيوب ده المتوفى دریم ومراته جینا وبنته وابنه، وأنا ركبت اللانش مع اثنين من الأطفال اللي هما بنتي وقريبتي الثانية، وكنا في اللانش عشان تتفرج عليهم ونصورهم، وأنا كنت بصور بالتليفون فعلا لحد ما فجأة سمعت سواق اللانش بيقول خلي بالك بصوت عالي كذه مرة وفوجئت بالحادث، ونزلنا المياه أنا وسواق اللانش جبنا المصابين والمتوفى، وساعدتنا البنت اللي كانت سابقة اللانش آية المحمدي، والإسعاف جت أخدت المصابين على المستشفى، وعرفت إن ابن خالي دريم سمير اتوفى وابن دريم في حالة خطرة والله في العناية المركزة بس مراته وبنته طلعوا لأوضة في المستشفى الحمدلله بعد كدة جيت على هنا وده كل اللي حصل.

س: متى وأین حدث ذلك؟
ج: الكلام ده حصل بتاريخ 26 يوليو 2022 الساعة 10 مساء في البحيرة الخاصة بقرية مارينا - الكائنة بالساحل الشمالي دائرة قسم شرسة مارينا محافظة مطروح.

س: ما سبب ومناسب وجودك بالزمان والماكن سالفي الذكر؟
ج: أنا كنت موجود مع أسرتي في المصيف بنقضي الإجازة هناك وروحنا نأجر جيت سكي وتيوب علشان نتسلي بالألعاب المائية.

س: من كان برفقتك؟
ج: کان معايا المتوفى ابن خالتي وأسرته وباقي أفراد أسرتنا.

س: ما قولك فيما ورد بأقوال كل من المصابتين حينا تاضروس الوب وسما دريم سمير؟ تلوناها عليه.
ج: أنا شوفت الحادث ساعة ما حصل وكنت بصوره بالتليفون، وأنا مشوفتش الجيت سكي بيقرب ناحية التيوب أو اللانش ولا مرة بصراحة، ومشوفتش سواق اللانش بيشاور لحد قبل ما الحادثة تحصل، ومعرفش الكلام بتاع حينا ده صح إنها قربت أكثر من مرة ولا لا لأن ظهري كان لسواق المركب عشان كانت بصور.

س: ما قولك فيما ورد بالتقرير الطبي الخاص بالمتوفى دریم سمیر یونان؟ تلوناه.
ج: الإصابات اللي حصلت لهم من الحادث.

س: ما هي طبيعة علاقتك بكل من المتوفى والمصابين من أهليته وهل من ثمة سابق معرفة أو خلافات؟
ج: هما يبقوا أهلي وأفراد أسرتي، والمتوفى يبقى ابن خالتي.

س: ما قولك فيما ورد بأقوال الطرف الأول آية المحمدي بمحضر جمع الاستدلالات؟ تلونا أقوالها عليه.
ج: أنا متصور إن هي مهملة.

س: ما قولك فيما ورد بأقوال الطرف الثاني محمد عبد الرحمن بمحضر الاستدلالات؟ تلونا أقواله عليه.
ج: أقواله مظبوطة هو ده اللي حصل.

س: ما هي طبيعة علاقتك في الواقعة بقائدي المركبات المائية ومحل الحادث وهل من ثمة سابق معرفة أو خلافات؟
ج: أنا معرفش حد فيهم قبل كدة خالص ومفيش أي خلافات سابقة.

س: ما قولك فيما ورد بمحضر التحريات المؤرخ 27 يوليو والمحرر بمعرفة الرائد بالقسم؟
ج: أنا أؤيد كلامه، مافيش شبهة جنائية، والحادث كان قضاء الله وقدره، بس هو نتيجة إهمال سائقة الجيت سكي المتهمة آية المحمدي.

س:  ما هي طبيعة علاقتك بسالف الذكر وهل من ثمة سابق معرفة أو خلافات؟
ج مفيش أي علاقة أو خلافات.

س: هل قمت بالتقاط ثمة مقاطع مرئية للواقعة محل التحقيق؟
ج: أيوة وحطيت الفيديو على فلاشة وتم إرفاقه بالمحضر.

زوجة المجني عليه بحادث مارينا: سائق المركب حاول يبعد قائدة الدراجة المائية عنا.. وتهورها السبب | خاص

هددها بالاعتداء الجنسي وسط الشارع.. ووالدة الضحية تستغيث: إلحقونا قبل منموت

س: من المتسبب بنسبة أكبر من حيث الخطأ في وقوع ذلك الحادث تحديدا؟
ج: أنا من اللي حصل في الفيديو ونداء سواق اللانش على قائدة الجيت سكي وبيقولها "بصي قدامك" أكثر من مرة معناه إنها مكنتش مركزة، وكانت بتبص وراها ومش بتبص قدامها لأنها محاولتش حتى تروح يمين أو شمال واصطدمت بهم بشكل مباشر دون أدنى محاولة لتجنب وقوع الحادث.

س: کيف وقعت على ذلك؟
ج: عشان السواق بتاع اللانش كل بينده عليها قبل ما الحادثة تحصل، وبيقولها بصي قدامك كذا مرة ومعنى كده انها كانت سايقة بسرعة كبيرة ومش بتبص قدامها.

س: صف لنا المسطحة المائية محل وقوع الحادث على وجه الدقة؟
ج: هي البحيرة الكائنة بمارينا 2 وهي مساحة تابعة لمجموعة مطاعم تسمى / Seagull وبجوارها البحيرة الطولية وتصل من مارينا 2 إلى مارينا 3، وعرضها حوالي 100 متر أو أكثر تقريبا، والبحيرة بها منطقة صغيرة مخصصة لسباحة الأفراد ومؤمنة بعوامات مائية بلاستيكية تشبه الكورة وباقي مساحة البحيرة كلها مخصصة للألعاب المائية بجميع الاتجاهات.

س: ما هو سبب التقاطك مقطع الفيديو سالف البيان؟
ج: أنا كنت بصور أسرتي للذكرى.

س: هل تسبب أي من طرفي الواقعة في وقوع الحادث بقيادته المركبة المائية في مكان غير مخصص لذلك؟
ج: لا احنا كنا بنلعب في البحيرة في المكان المخصص لكده، ومحدش فينا كان ماشي غلط أو في مكان ممنوع الوجود فيه ومفيش سرعة محددة في البحيرة.

س: هل تتهم أحد بأي اتهام؟
ج: أنا بتهم سائقة الدراجة المائية آية المحمدي بالتسبب خطأ في وفاة ابن خالتي دریم سمير، وإصابة كل من المصابين أفراد أسرتي، وكمان بتهم محمد عبد الرحمن سائق اللانش بالإهمال في أداء وظيفته، لأنه لو كان لبس المصابين سترة النجاة كان إنقاذهم هيكون أسهل من كده، لأننا تعبنا جدا عشان نطلعهم من المياه، وكمان أنا شايف إن مينفعش الجيت سكي يكون موجود في نفس الوقت، والمكان اللي موجود فيه التيوب ده اللي شايل ناس لأن في حالة التصادم زي ما حصل هيؤدي لحدوث وفيات زي ما حصل، وأنا برضه بتهم إدارة القرية بالتقصير في حسن إدارة المكان والتسبب خطأ في وقوع الحادث ده، وإمكانية وقوع حوادث وحالات وفاة في المستقبل.

س: هل يوجد ثمة شبهة جنائية بالواقعة؟

ج: لا هو الحادث قضاء الله وقدر وحصل نتيجة إهمال مش أكثر.