مصطفى بكري: 40 سيارة فيراري دخلت مصر خلال 6 أشهر.. ونستورد كزبرة ناشفة
قال الإعلامي مصطفى بكري، إن الشعب المصري لم ينس مواقف الرئيس عبد الفتاح السيسي، وإنقاذه لمصر في وقت الأزمات.
وأضاف مصطفى بكري خلال برنامج حقائق وأسرار المذاع على قناة صدى البلد: الوزير اللي مش نافع لازم يمشي عشان مصر محتاجة تتقدم، مردفا: فيه ناس عاوزة تظلم البلد وتهدها على اللي فيها.
وأردف مصطفى بكري: الاستفزاز من بعض الأشخاص في الساحل الشمالي بقي عيني عينك، والله إحنا مش ضد الغنى من الحلال ربنا يبارك لهم بس لما تبقى الفيلا 500 متر بـ 118 مليون يبقى بالراحة على مشاعر الغلابة، وفيه 40 سيارة فيراري دخلت مصر في 6 أشهر، 25 منها في المنصورة والواحدة بـ 20 مليون.
وأشار مصطفى بكري إلى أن مصر تستورد بعشرات الملايين أكل للعصافير، كما تستورد أدوات التجميع ومعدات وأدوات البناء، وتستورد البلاد بأموال طائلة كزبرة ناشفة وهذا يعني عدم وجود صناعة محلية قوية.
وأوضح أن زيادة فاتورة الاستيراد ترفع الأسعار في الداخل لكن ما زال هناك أمل في الإصلاح ومعالجة المشكلات المختلفة، مردفا أن الرئيس السيسي يسهر ليل نهار من أجل الوطن وهمومه.
واختتم أنه يتحدث عن المشكلات في إطار حبه ودعمه للدولة الوطنية الديمقراطية لكن هناك أشخاص يريدون إسقاط مصر، مضيفا: واجهوا أنفسكم بالحقيقة وبلاش أي حد يقول كلمة تقولوا أهو مصطفى بكري بتاع النظام بيتكلم، عشان إحنا بينتكم من أجل البلد.
