سهير البابلي كانت بتزعل لما أقول لشادية يا ست الكل.. أبرز تصريحات نعيم عيسى مع عمرو الليثي
كشف الفنان نعيم عيسى، عن العديد من أسرار حياته الشخصية، وذلك خلال حلوله ضيفًا على الإعلامي عمرو الليثي، في برنامج واحد من الناس.
وتحدث الفنان القدير خلال اللقاء عن استيائه الشديد من تهميش النقابة له، وعدم تكريمه.
ونستعرض لكم أبرز تصريحات نعيم عيسى مع عمرو الليثي:
- دخلت المستشفى مرتين بعد مطلبوني في مشهد واحد مع عمرو سعد في مسلسل شارع عبد العزيز.
- سهير البابلي كانت بتزعل مني لما أقول لشادية يا ست الكل في مسرحية ريا وسكينة.
- بيكرموا فنانين كتير بس مفيش حد فكر يكرمني.. ظلموني.
ـ زوجتي توفت من 5 شهور وعشت معاها 60 سنة وعمرها ما زعلتني.. هفضل حزين عليها العمر كله.
- مبشتغلش وقاعد في البيت بقالي أكتر من 10 سنين
- أنا تعبان وجاتلي جلطة في رجلي وقلبي وركبولي دعامتين.. والله قاسيت في حياتي
- المعاش مبيكفنيش فبضطر أميل على ولادي
- شقتي إيجار جديد بـ 1200 جنيه كل شهر، وبجيب علاج في حدود 2000 جنيه
- بحس بحسرة كبيرة ليه أنا انتهيت كده؟ ليه انتهيت عيان ومريض ونايم في البيت؟!
- أنا عايش بالمعاش بس.. ومنهم لله المخرجين
- أكتر حاجتين بحبهم في حياتي هما السباحة والفن.
- ليه النقيب مبيبعتليش مخرجين يشوفوني.. أو يجي بنفسه يزورني؟
