فريدة سيف النصر: اشتغلت مع عمالقة كبار ومن حقي اشتغل مع العمالقة الشباب زي محمد رمضان
كشفت الفنانة فريدة سيف النصر، أنها تستعد لمشاركة الفنان محمد رمضان في عمل جديد، لكنها ما زالت تقرأ الورق الذي عرض عليها.
وقالت فريدة سيف النصر، لـ القاهرة 24، إنها لا تهتم بانتقادات البعض لها بسبب دفاعها عن محمد رمضان، قائلة: الناس اللي بتقول أني بطبل لمحمد رمضان عشان الشغل، عادي ما أنا اشتغلت معاه موسى، وعندي شغل معاه تاني ما ومشتغلش معاه ليه؟ أنا اشتغلت مع العمالقة الكبار كلهم، ومن حقي اشتغل مع العمالقة الشباب وهو عملاق وواخد شهرة عالمية ده كلام ربنا الصح، لأنه فتح له باب المحبة وباب الرزق من وسعه واللي مش عاجبه يحاسب ربنا.
وعن رد محمد رمضان عن الفيديو الذي نسب إليه قالت: رد محمد رمضان على الفيديو المنسوب ليه أقل واجب، لو مردش كده مكنش يبقى راجل، ده ابن بلد مش من الزمالك وطلع عين أبوه ده كده مؤدب في رده، هاجمني زي ما أنت عايز لكن تتكلم في عرضي أشعلقك.
وأضافت: مستغربة الناس اللي صدقت الفيديو المنتشر مع أن كل أهل أسوان والأفارقة شبهه.. واللي مش عاجبهم رده يولعوا بجاز، هما مستنين منه يقول سوري كده علشان يبان ناعم ومايص لكن رده رجولة.
واستكملت: أي حد ناجح في مصر بيكرهوه في نفسه، حتى محمد صلاح، ومجدي يعقوب طلعوا عليه أنه عجز وبيترعش.
