هدى المفتي: أنا مش مرتبطة ولا أمتلك مواصفات لـ فتى أحلامي
قالت الفنانة هدى المفتي، إنها لا تمتلك مواصفات خاصة لـ فتى أحلامها، ولكن هناك صفات تتمنى وجودها في شريك حياتها المستقبلي.
وأضافت هدى المفتي، خلال لقائها مع الإعلامية منى الشاذلي، في برنامج معكم، المذاع عبر شاشة قناة CBC: أنا مش مرتبطة ومعنديش مواصفات لفتى الأحلام، ولكن عندي صفات، يعني أنا لا يفرق معايا شكله ولا طريقة لبسه وكل اللي بره ده آخر حاجة تفرق معايا، ولكن يفرق معايا أخلاقيات إنسان وروحه.
وأشارت هدى المفتي، أنها لا تنجذب لأي شخص، قائلة: أنا رومانسية موت وحساسة جدًا، يعني في ناس غصب عني بشوفهم بيكون في لحظة ضعف كده، لأن أنا لما بحب بحب أوي، لكن أكيد في أجراس الخطر طبعًا، لكن أنا بحب الإنسان بعيوبه ومش بحب أغير فيه، طلامًا حد بحبه لازم أتقبل العيوب، ومش بحب الراجل اللي أي واحدة بتعجبه لو يكون هي واحدة بس اللي عجبته.
أما عن سبب قِلة مشاركتها للجمهور على مواقع السوشيال ميديا، فقالت: أنا بتكسف أعمل فيديوهات، ومش بحب أبين حاجة شخصية لكن أحب أبين حاجات عن شغلي، أو صورة ليها ذكرى حلوة ليا بس، ومش بحب حد يتدخل في حياتي زيادة أو بطريقة غير لائقة لأن في ناس بتسأل أسئلة محرجة.
هدى المفتي
وعلى جانب آخر، تعيش الفنانة هدى المفتي، حالة من النشاط على المستوى الفني، حيث شاركت في جميع أفلام موسم عيد الأضحى، وهم كيرة والجن، لـ الفنان كريم عبد العزيز وأحمد عز، وفيلم بحبك، لـ تامر حسني، وفيلم عمهم، لـ محمد عادل إمام.
