أسما شريف منير عن خلافها مع والدها: ده العادي بين الأهل.. وأنا صالحته ومقدرش أعمله بلوك
كشفت الإعلامية وخبيرة التجميل أسما شريف منير حقيقة الخلاف مع والدها، وهو النبأ الذي انتشر مؤخرًا عبر صفحات رواد وسائل التواصل الاجتماعي، وأشاروا إلى أن الخلاف انتهى بإلغاء متابعة كل منهما البعض على موقع انستجرام.
وقالت أسما شريف منير لـ القاهرة 24، على هامش حضورها العرض الخاص لفيلم الدعوة عامة: إحنا لسه كنا في الساحل، وده العادي بين الأهل لكن مفيش حاجة كبيرة يعني، وعادي زي بردو ما كل حد بيقفش على حد وبيعمل إلغاء متابعة للتاني، وأنا اللي صالحته وهو كبيري فلازم كنت أصالحه، وأنا مقدرش أعمله بلوك.. هو يعمل عادي.
أسما شريف منير: بابا بينصحني أبطل تهور وهو أكتر حد متهور
وعن أسباب ظهور الشائعات عليها وعلى والدها، تابعت أسما: يمكن عشان مبخبيش حاجة، وعفويتي جيباني ورا الشمس، وهفضل زي ما أنا، ولا ألتفت للشائعات وبحاول أقول الحقيقة، واللي مؤمنة بيه، ووالدي ديمًا بينصحني ويقولي بطلي تهور وهو أكتر حد متهور.
أسما شريف منير: الطلاق أوحش حاجة في الكوكب
وعلقت أسما شريف منير على أزمة الطلاق، التي مرت بها مؤخرًا، قائلة: أوحش حاجة في الكوكب، وربنا ما يكتبه على حد أبدًا، وأكيد بتمنى ربنا يكتبلي الخير، ويكون حد في حياتي وأعمل خطوة ترضي ربنا وأكون متزوجة، لأن الزواج شيء لذيذ جدًا وستر.
وعن مواصفات الرجل الذي يلفت انتباه أسما شريف منير، أوضحت أنها تتمنى الارتباط برجل يكون مسئولًا ويراعيها ويحبها ويحب ابنتها أيضًا.
