ابني دخل في حالة نفسية وشال مطواه لما سلمى رفضته.. ننشر اعترافات والد المتهم بقتل طالبة الزقازيق | تحقيقات
كشفت التحقيقات في قضية مقتل الطالبة سلمى بهجت فتاة الزقازيق، على يد الطالب إسلام فتحي، تفاصيل جديدة حول تعرض المجني عليها للتهديد بالقتل على يد المتهم إذا بعدت عنه.
قضية مقتل سلمى فتاة الزقازيق
وأوضح نص تحقيقات قضية مقتل الطالبة سلمى فتاة الزقازيق، والذي نشره القاهرة 24، أن الفتاة خشيت من تهديد الجاني بقتلها، وأنها ستلقى مصير نيرة أشرف، ورغم خوفها إلا أنها كانت تواصل رفضها لاستمرار العلاقة.
وحددت جهات التحقيق، جلسة 4 سبتمبر المقبل، لنظر أولى جلسات محاكمة المتهم بقتل طالبة الزقازيق في مدخل أحد العقارات بمحافظة الشرقية، بعد إحالة المتهم إلى محكمة الجنايات المختصة، لاتهامه بقتل الطالبة سلمى بهجت عمدًا مع سبق الإصرار والترصد.
اعترافات والد قاتل سلمى طالبة الزقازيق
قال والد إسلام محمد المتهم بقتل زميلته سلمى بهجت في التحقيقات: اللي حصل إن ابنی إسلام من أول ما دخل الكلية وهو متغير وكنت دايما بنصحه عشان أنا خايف عليه وبعدين إسلام اتعرف على ناس في الأكاديمية وقلهم إنه عايز يكون مميز وقالوله إنه يروح يعمل وشم عشان يبقى مميز وبعد كدة رجع البيت وهو عامل الوشم ضربته وكتفته وديته المكان اللي عمل فيه الوشم في القاهرة ومعرفناش نطلع الوشم وابنى قلي سبني أعمل اللي أنا عايزه وسبته لأن إسلام طول عمرة دماغه ناشفة وبيتصرف من دماغه.
وأضاف والد المتهم بقتل سلمى طالبة الزقازيق: الفترة دي إسلام واحد صاحبه توفي وإسلام دخل في حالة حزن شديد وبسبب الحزن ده سقط في سنة تانية كلية وعاد السنة لغاية ما ظهرت سلمى في حياته في الترم التاني في سنة تانية وفي الفترة دي بقى كويس وقلي إنه بيحبها وعايز يرتبط بيها بس لما يخلص دراسته وقلي إنه اتعرف على أهلها وقالوله إن معندهمش مانع ونصحته أنا ووالدته إنه يخلص دراسته وبعدين يروح يتقدملها.
تحقيقات قضية سلمى فتاة الزقازيق
وأكمل: في الفترة دي لاحظت إن إسلام بدأ يجيب لسلمى هدايا من الفلوس اللي بياخدها منا ويديها فلوس ويساعدها في المشاريع اللي بتعملها في دراستها، وفي الفترة الأخيرة في سنة ثالثة كلية حصل مشاكل بين إسلام وسلمى سببها إن سلمى اتخلت عنه، لأنها كانت في سنة رابعة ومبقتش محتجاه في حاجة، واتغيرت عليه وتقوله إنها عايزة حد معاه فلوس كتير وانت متناسبنيش، وكان من همه بييجي يقولي يا بابا إنها اتغيرت عليا، وقلي يا بابا أنا بحبها وهي بتحبنى وكنا عاملين حسابنا إننا هنرتبط.
وواصل والد المتهم بقتل سلمي بهجت: لاحظت في الفترة الأخيرة إن إسلام كان بعيد فيها عن سلمى وحاول يوصلها، وهي كانت بتتهرب منه وانه مش كويس، وكان بيتعالج نفسيا بسببها لمدة طويلة وبياخد أدوية نفسیة، وحجزته كذا مرة في مستشفى نفسي لغاية ما جه يوم 2022/6/29 لقيته بيتصل بيا أنا ووالدته وبيقولنا تعالى يا بابا الكلية علشان تقابل والد سلمى وتقنعه أرتبط بيها ورحنا معاه علشان كنا خايفين عليه وفعلا رحنا وقابلنا أبو سلمى وسلمى في الكلية.
وتابع: وإسلام قاله إنه عايز يرتبط بسلمى ويخطبها لكن أبو سلمى رفض وقاله انت مش هترتبط ببنتی طول مانت حاطط الوشم ده، وإسلام ابنى قالة خليني أخطب سلمى وبعدين أشيل الوشم وأبوها رفض وسلمى رفضت رفض كبير وهما بينهم قبلات مع بعض في شقة الشروق وساعتها تفاجأنا كلنا إن اسلام ابنى شايل مطواه في جنبه وعمل كده علشان يهدد والد سلمى وسلمى ووالد سلمى معملش اهتمام بالموضوع لغاية ماجه يوم الحادثة وعرفت من أمه عشان كان بيكلمها في التليفون إنه قتل سلمى وأنا طبعا اتوترت وكنت خايف على إسلام وده كل اللي حصل.
