زعمت أنه شاهد على الزواج.. أستاذ بجامعة الأزهر يقاضي سيدة اتهمت عبدالله رشدي باغتصابها
علق الدكتور أحمد البصيلي، الأستاذ بجامعة الأزهر الشريف، على ادعاء سيدة تدعى جيهان، أنه كان أحد الشهود على عقد زواجها من الداعية الشهير عبدالله رشدي، والتي زعمت أنها إحدى ضحاياه وأنه اعتدى عليها قهرا وتلاعب بها وخدعها.
زعمت أنه شاهد على الزواج.. أستاذ بجامعة الأزهر يقاضي سيدة اتهمت عبد الله رشدي باغتصابها
وكتب الأستاذ بجامعة الأزهر الشريف، عبر حسابه على موقع التواصل الاجتماعي فيسبوك: تم اتخاذ كافة الإجراءات القانونية، مضيفًا: وَلَنَصْبِرَنَّ عَلَىٰ مَا آذَيْتُمُونَا ۚ وَعَلَى اللَّهِ فَلْيَتَوَكَّلِ الْمُتَوَكِّلُونَ".
وفي منشور آخر كتبه الأستاذ بجامعة الأزهر الشريف أمس، عبر حسابه على فيسبوك، قال فيه: الزج باسمي في أي مهاترات أو معارك شخصية لا علاقة لي بها.. سيصاحبه فورا اتخاذ الإجراءات القانونية اللازمة.
وخلال الساعات الماضية، ادعت سيدة تسمى جيهان، أنها ضحية من ضمن ضحايا عبدالله رشدي، وأنها سيدة عربية وحاليًا مستقرة في دولة أوروبية، مضيفة: وزيي زي البعض منكم، كنت من ضمن محبي ومتابعي الشيخ عبدالله رشدي.
جيهان التي اتهمت عبدالله رشدي بالاعتداء عليها، قالت عبر حسابها على موقع التواصل الاجتماعي فيسبوك: من فترة كبيرة دخلت كلمته في استشارة دينية بخصوص ناس مقربين ليا، ورد عليا عادي، وبعدها تابع معايا لحد ما الموضوع خلص، وكملنا مع بعض كمعارف عادية، مردفة: بدأت أعجب بيه، وطلب مني أقابله في مصر عشان نتعرف أكتر، واتفقنا إنه لو تم التوافق هنتجوز بشكل رسمي.
وأشارت إلى أنهما: اتفقنا نعمل عقد شرعي عشان بس لو تواجدنا مع بعض أو سلمنا على بعض أو اتكلمنا في حاجه خصوصية، وكل التفاصيل دي تبقى حلال، بس شرطت إنه ما يتعرضليش ولا يلمسني، وعاهدني إنه مش هيلمسني.
وتابعت: وبعدها مشيت في إجراءات السفر، ونزلت مصر واستقبلني في المطار، كنت حاجزة شقة، ومعاد إخلاء الشقة دي، عارض اليوم اللي نزلت فيه، فكلم حد من أصحابه، وأخد منه مفاتيح الشقة اللي تخص صديقه في العبور عشان أقعد فيها، ولما روحت هناك، قالي هقعد بس معاكي 5 دقايق نرتاح من المشوار، أنا بحكم إني عايشه في أوروبا والمجتمعات الغربية؛ مفيهاش خوف في المواقف اللي زي دي، فقولت أكيد مش هيعمل حاجة في الخمس دقايق دول، وهو راجل دين، أكيد بيخاف ربنا.
وأكملت جيهان: عمل هو الاتفاق بشكل شفوي بدون أي ورق واتصل باتنين شهود مشايخ دكاترة في جامعة الأزهر دكتور أحمد البصيلي دكتور بجامعة الأزهر ودكتور آخر اسمه أحمد بس لا أتذكر اللقب شهدوا علي الاتفاق بشكل شفوي بردو وأنا أكدت عليه إنه مينفعش يلمسني إحنا عملناه فقط عشان الحرمانية على حسب كلامه وبعد ما تم العقد؛ خالف العهد ده وتعدى عليّ بدون موافقتي، وبعد محاولات كثير من إهانة وهتك عرض؛ عرفت أخلص من تعديه عليَ اللي كان بكل عُنف وسادية.
