رامي جمال لـ المطرب النقاش: كفاية برامج لحد ما نخلص الأغاني
تحدث الفنان رامي جمال عن أحمد سالم النقاش صاحب الفيديو المتداول على مواقع التواصل الاجتماعي وعن موهبته ومشروعه القادم معه.
ونشر رامي جمال فيديو على حسابه الشخصي بـ انستجرام وعلق، قائلًا: عايز أتكلم عن القبول اللي ربنا كتبه للفنان أحمد سالم، أحمد فنان بدرجة مشفتهش في حياتي غير مرتين تلاته، أحمد أنا شايف القبول اللي ربنا كتبه والحب اللي أنتوا حبينوا لي فرحان جدًا أن مازال الصوت الحلو والفن الحقيقي الناس بتحبه وبتدعمه.
وأضاف رامي جمال: في ناس كتير وفرحانة أني بساعد أحمد أنا مش بساعد أحمد، أنا بساعد نفسي كفنان وملحن ومطرب، والوسط الفني لما يبقى في فنانين زي أحمد بترقي بالذوق العام ودي حاجه محتاجينها كلنا.
واستكمل جمال حديثه: واتعلمت في بيت أهلي أن الفرصة لما بتيجي لحد بتبان أن ربنا اللي بعتاها، وممكن أنا أحاول أسهل على أحمد مشواره في الفن، ودي حاجه تخليني في قمة سعادتي، وفي ناس بعتت تقولي أنت بتساعد أحمد عشان التريند دي مش شخصيتي ولا هتكون شخصيتي اللي بعتولي كده أكيد موهوبين كل واحد جاي لي فرصة، فرصكوا كلها جاية، وأحمد غنى هو بيشتغل رجل نقي بعد سنة ونص والفيديو ينتشر جدًا.
واختتم رامي جمال حديثه: ربنا يديكوا أكتر من اللي اتمنتوا زي ما ربنا وقفني لأحمد ووقف ناس ليا زمان، هيوقف لكم ناس، ورزقكم له معاد، ولو ربنا كرمني في موضوع أحمد، دي حاجة هتشجعنا كفنانين، أنا سعيد إني شايف أن في ناس بتحب الفن الحقيقي، لو طلع لنا 15 صوت زي أحمد احنا اللي مستفيدين، وبقول لكل الناس شكرًا على اللي عملتوه مع أحمد، وأنا بالنسبة لي معملتش حاجة معاه خالص لسه، أنا مش بعمل لأحمد، عمل لنفسي عند ربنا، محدش هياخد رزقي، اللي بيسهل لحد حاجة هلاقي مليون واحد يسهلي حاجات تانية، ربتا يكتب له الخير، وإن شاء الله الفترة الجاية يبقى في مفاجأت كتير، وبقول لأحمد كفاية برامج لحد ما نخلص الأغاني.
