وكيل لاعبين: الأهلي رفض مصطفى شلبي بـ 2 مليون جنيه.. والآن سيدفع من أجله 20 مليون
كشف أحمد ديدا وكيل اللاعبين، مفاجأة كبيرة بشأن مصطفى شلبي لاعب فريق إنبي الحالي، والذي يرغب العديد من الأندية في التعاقد معه، خلال فترة الانتقالات الصيفية الحالية.
وكتب ديدا وكيل مصطفى شلبي السابق عبر صفحته على موقع التواصل الاجتماعي فيسبوك: “صباح الخير.. انا اول مره اقول الكلام ده علي الفيسبوك بس احقاقًا للحق عشان الناس تعرف ان في شئ غلط جوه الاهلي مش من دلوقتي.. انا عرضت مصطفي شلبي علي الاهلي في 2019 لما كان في القسم الثالث وقتها حد في اللجنة الفنية للاهلي قالي حرفيا الاهلي مش هيجيب لاعب من القسم الثالث (علي فكرة اللاعب وقتها كان هينضم مقابل حوالي 2 مليون جنيه).. بعدها جبت لجنة من الاسماعيلي بقيادة المحترم كابتن عادل ابو جريشة واخويا وحبيبي كابتن عطية صابر لماتشات الترقي للممتاز ب وقتها بترول اسيوط كان بيلعب تالته واللاعب عجبهم جدا وتم توقيع العقود..بس الله يسامحه الحج محمد خلف اللي كان ماسك تعاقدات الاسماعيلي قعد يفاصل مع الاستاذ محمود تغيان واجارك الله لما تفتح دماغك مع حد زي استاذ تغيان هيكرهك في حياتك اصلا (وطبعا علي حقه وشطارة منه وبحترمه عليها)... دلوقتي الاهلي قدم عرض لانبي لضم شلبي مقابل (20 مليون ممكن توصل لـ 30 مليون) علي حسب مصادر بثق فيها..يعني لو كان الاخ بتاع اللجنة الفنية سمع كلامي وجه شاف اللاعب بدل الحنيكة الفارغة بتاعتهم دي كان زمان الاهلي كسبان لاعب متميز جدا ومتطور وببلاش”.
يذكر أن النادي الأهلي يريد حاليا التعاقد مع مصطفى شلبي، واقترب بشدة من الوصول لاتفاق مع نادي إنبي لضم اللاعب في الميركاتو الصيفي.
