الزوج العرفي للمتهمة بقتل طفلتها جودي: إيديها تقيلة ودايمًا عنيفة مع الأطفال | خاص
حصل القاهرة 24، على نص التحقيقات في قضية مقتل الطفلة جودي، التي كشفت مفاجآت عدة، أبرزها أن والدة الطفلة المتهمة بقتلها، غادرت رفقة الطفلة منزل زوجها إلى منزل شخص آخر، وتزوجته عُرفيًا على زوجها الشرعي ياسر. ش، وأقامت لديه قرابة العامين.
مقتل الطفلة جودي
تعود تفاصيل الواقعة إلى مقتل الطفلة جودي على يد والدتها، بعدما أصيبت بنزيف داخلي، دخلت على إثره في غيبوبة، لم تفق منها؛ بسبب خلافاتهما المتكررة، حيث تزوجت السيدة بآخر، لديه 5 أطفال آخرين، واعتدت على طفلتها حتى تسببت في قتلها.
واستدعت جهات التحقيق، الزوج العرفي للمتهمة بقتل ابنتها جودي، ويدعى سامح، يبلغ 33 عاما، ويعمل عاملا، للتحقيق معه حول اشتراكه في الواقعة، وجاءت أقواله كالآتي:
ما اسمك وكم عمرك؟
اسمي سامح، وأبلغ من العمر 33 سنة، وأعمل عامل.
س: ما علاقتك بالمدعوة زينب؟
ج: هي مراتي.
س: ومنذ متي والعلاقة الزوجية قائمة؟
ج: من شهر 8 اللي فات.
س: وهل رزقت منها بثمة أطفال؟
ج: لا.
س: وهل لديك أطفال؟
ج: أنا عندي 5 أطفال.
س: وما هي أسمائهم؟
ج: الأولى جني 13 سنة ودياب 9 سنين ومحمد وزیاد توأم 7 سنوات ولمار 5 سنوات.
س: وهل رزقت زوجتك بأطفال من زيجة أخري؟
ج: هي عندها جودي.
س: وهل نمى إلى علمك تاريخ الطلاق السابق لزوجتك؟
ج: من حوالي سنتين.
س: وهل نمى إلى علمك سبب الطلاق؟
ج: هي قالتلي إن جوزها محبوس وهي اتطلقت منه.
س: ما معلوماتك عن الواقعة محل التحقيق؟
ج: هو اللي حصل إن أنا اتجوزت زينب من شهر 8 لسنة 2021، عشان ترعى أولادي بعد وفاة أمهم واتفقت معاها إن هي تخلي بالها من الأولاد، وكان معاها بنتها جودي، واتفقت إن أنا هحسن رعايتهم وتمت الزيجة والأطفال كانوا أشقياء، وزينب كانت بتزعقلهم وساعات بتضربهم ضرب خفيف، واتكلمت معاها على الموضوع ده بسبب إن أنا كنت راجع من الشغل في يوم لقيت جودي ودنها الشمال وارمة، ولما سألتها ودنك وارمة ليه قالتلي ماما ضربتني عشان وقعت السكر، فعملت مشكلة مع زينب عشان ما تضربهاش تاني.
بعدها بحوالي أسبوع كانت بتلعب مع إخواتها قدام باب الشقة وقعت على السلم وودانها ورمت أكتر، رحت بيها مستشفي القصر العيني سألوني وقعت إزاي فقولتلهم، وعملوا إشاعات علي المخ قالوا إن في خبطه جامدة في الدماغ وخلع في الكتف الشمال، وردوه ليها ولف عليه شاش وقاللي لازم أتابع مع دكتور أنف وأذن وعظام، وأسيب البنت في غرفة الملاحظة 6 ساعات، بس إحنا مشينا عشان العيال كانوا لوحدهم في البيت، ولما رحنا البيت نامت بعد ما أخدت العلاج اللي جيبته ليها، وبعدها رجعت على الشغل بتاعي، وكنت برجع متأخر وما تابعتهاش وكنت بسيبها مع أمها لحد إمبارح، كنت لسة صاحي من النوم دخلت الحمام، وطلعت لقيت زینب شايلة جودي على إيديها ومغمى عليها، وحاولت أفوقها ماكانتش بتفوق، وكانت بتغيب عن الوعي أكتر وبعدين لقيت أمها داخله بيها الأوضة عشان تفوقها.
أنا أخدت البنت منها وطلعت بيها على مستوصف الإيمان جنب البيت قاللي مش هقدر أعملها حاجه، بس هي فاقدة الوعي ونبضها قليل، وأخدتها وطلعت على مستشفى أحمد ماهر وهناك أخدوها مني وقالولي إنت أبوها قولتلهم أيوه، وهناك حطوها علي جهاز تنفس وجهاز للقلب وفضلت في الغيبوبة، وبعدها طلبوا أمها وأنا كنت كلمتها تيجي، وأول ما أمها جت أنا روحت أجيب هدوم للبنت عشان هدومها خفيفة، ولما رجعت المستشفى لقيت إن الحكومة أخدت أم جودي، وبعدين روحت لأمي ولقيتهم بيكلموني بيقولولي تعالي على هنا وهو ده كل اللي حصل.
س: متى وأین حدث ذلك؟
ج: الكلام ده حصل يوم 16 مارس 2022 الساعة 1 الضهر في شقتي في دار السلام.
س: ومن كان برفقتكم آنذاك؟
ج: كان معايا ولادي.
س: وما هي كيفية تعامل المدعوة زينب مع أطفالها وأطفالك؟
ج: هي جاهلة وبتتعامل معاهم بعنف شوية عشان هما كتير.
س: وما هي طبيعة الأفعال التي أقدمت عليها سالفة الذكر؟
ج: هي بتقعد تصرخ فيهم وتزعق وبتضربهم ضرب خفيف.
س: وما سبب قيامها بذلك؟
ج: عشان هما العيال كتير معاها.
س: وهل قامت سالفة الذكر بالتعدي علي الأطفال في تاريخ سابق؟
ج: هي بتضربهم كلهم ضرب عادي، ومفيش غير مرة ضربت جودي بالقلم علي ودنها وورمت عشان وقعت کیس سكر.
س: وهل نتج عن ذلك التعدي ثمة إصابات؟
ج: أيوه هي جودي كانت ودنها ورمت.
س: وهل حاول أحد منعها من التعدي عليها؟
ج: لا هي كانت بتبقى لوحدها وهي شايفة إنها كده بتربيها.
س: وما هو التصرف الذي بدر منك عقب علمك بقيامها بالتعدي على الأطفال؟
ج: أنا قلتلها ماتضربيش الأطفال تاني عشان كانت بتضرب العيال وإيديها تقيله.
س: وهل كانت تستخدم ثمة أدوات في التعدي عليهم؟
ج: لا.
س: وما هو الدافع وراء قيامها بالتعدي عليهم؟
ج: هي بتقول إنها كده بتربيهم.
س: وهل قام والد الطفلة جودي بمحاولة التواصل مع والدة الطفلة أو مع الطفلة إبان انعقاد الزوجية خاصتك؟
ج: لا أنا ماشوفتوش ولا مرة ولا حاول يتواصل معانا.
س: وهل نمى إلى علمك عما إذا كان قد أبلغ بتواجد الطفلة جودي في المستشفى؟
ج أنا معرفش.
س: وما هي الحالة الصحية للطفلة جودي؟
ج: هي اسمها جودي.ي. ش، وأنا كنت أخطئت لما بلغتهم في المستشفى إن أنا أبوها، وآخر مرة شوفتها كانت في غيبوبة.
س: وهل تتهم المدعوة زينب بثمة اتهام؟
ج: لا أنا مش بتهمها بحاجة.
س: هل لديك أقوال أخرى؟
ج: لا.
