بيتك وأولادك قبل مهنتك.. نقيب أطباء القاهرة تقدم نصائح لفتيات طب أسيوط

تداول رواد مواقع التواصل الاجتماعي، فيديو لشيرين غالب، نقيب أطباء القاهرة، تقدم به عدة نصائح لفتيات طب الأزهر في أسيوط  خلال حفل تخرجهم، حيث حظى الفيديو على إشادات واسعة.

نصيحة غالب للطبيبات

خلال الفيديو المتداول، تقول غالب موجهة حديثها للفتيات: نصيحتي لكل البنات المتخرجين النهاردة، بيتك ثم بيتك ثم أولادك، وبعدين مهنتك.. أوعي حد يقولك مهنتك قبل أولادك.. أوعي.

لتغيبهم عن العمل.. إحالة أطباء بوحدات صحية للتحقيق في قنا

وأضافت غالب: حضرتك لو قعدتي في البيت، في مليون طبيب بره هيعالج، لكن لو سبتي ولادك، مهلمش غير أم واحدة، هو إنت.

وتابعت: أنا في بداية حياتي، سبت شغلي وجوزي مقاليش سيبي، بس أنا لقيت إن ولادي مبهدلين، وبيحصل لهم مشاكل بسببي، فاختارت حاجة مباتش فيها بره البيت.. أما تيجي تختاري التخصص، اختاري التخصص اللي يناسب ظروف بيتك، وحطي في مخك برضو إن بيتك الأول.

إشادات واسعة على السوشيال ميديا

وحصدت غالب على إشادات واسعة من قبل مستخدمي مواقع التواصل الاجتماعي في مصر، حيث كتب مستخدم: ربنا يباركلك، ياريت كل الناس بتفكر زيك، وعلق آخر: ممتاز جدا، ربنا يتمم لك عقلك ويصلح لك حالك.

وقال آخر: اللي بتقول الكلام الجميل جدا ده أ.د شيرين غالب واحدة من أشهر وأشطر الدكاترة في قسم  الطب الشرعي والسموم في القصر العيني وفي مصر كلها.. في المتواضع أن سبب نجاحها المبهر ده هي نيتها الجميلة دي وحرصها على أولادها وبيتها اللي بتتكلم عنها فكان من أسباب البركة.