كاملة أبو ذكري: فكرت في اعتزال الأعمال الدرامية لأنها مرهقة بشكل غير آدمي
كشفت المخرجة كاملة أبو ذكري، عن سر اعتزالها الدراما وإخراج المسلسلات بعد نجاح مسلسلها الأخير بطلوع الروح، وتحدثت عن تكريمها في مهرجان القاهرة السينمائي بجائزة فاتن حمامة التقديرية.
وقالت كاملة أبو ذكري خلال حوارها مع القاهرة 24: سعيدة بتكريمي باسم السيدة العظيمة فاتن حمامة وشيء كبير جدًا بالنسبة لي، وعندما أبلغني المخرج أمير رمسيس والفنان حسين فهمي بتكريمي أتت لي حالة من البكاء الهستيري، رحلة طويلة بدأت من سن 16 سنة، ورغم كل الإحباطات والحروب خلال 30 سنة من المشوار، ولكن أرى حب الجمهور واحترامهم، الجائزة أتت في وقتها لأني كنت مرهقة.
وتحدثت كاملة أبو ذكري عن سر اعتزالها إخراج المسلسلات الدرامية، قائلة: كنت عايزه اعتزل فكرة المسلسلات وليس المهنة بشكل عام، لأن المسلسلات إرهاق بشكل غير آدمي، مفيش حد بيقدر تعبك اللي معاكي محدش بيقولك شكرًا، الجمهور هو اللي بيقدر تعبك، رمضان تحول للناس اللي في الشغلانة لشئ مرعب، وفي حد داخل فريق عمل بطلوع الروح بعد ما انتهينا من التصوير رد فعله استغربته أنا لما بنجح مش بنجح لوحدي بينجح معي الممثل والمنتج ومدير التصوير، إحنا بنشتغل شغل غير آدمي وبناكل في الشارع ومفيش شكرًا ولا تقدير، حسيت أني عايزه أبعد ولكن مقدرش استغنى عن الفن، وأتمنى أشتغل بشكل آدمي.
مسلسل بطلوع الروح
عرض مسلسل بطلوع الروح في السباق الرمضاني 2023، وحقق العمل نجاحًا كبيرًا، وضم العديد من النجوم أبرزهم، منة شلبي، إلهام شاهين، أحمد السعدني، محمد حاتم، وعدد آخر من الفنانين، والمسلسل كان من تأليف محمد هشام عبيه.
