قتل اخويا لما رفضنا جوازه من شقيقتي.. ننشر أقوال شقيق المجني عليه مدرس الصف| تحقيقات
كشفت التحقيقات والتحريات تفاصيل مثيرة في واقعة مقتل المدرس بمنطقة الصف جنوب الجيزة، على يد 3 عاطلين، بعد الاعتداء عليه في مشاجرة بالصف، أن المتهمين عامل ونجلا عمومته تشاجروا مع المجني عليه، مدرس، خلالها أقدم أحد المتهمين، كان طلب الزواج من شقيقة المجني عليه، ولكنه رفض، مما أسفر عن المشاجرة، على طعن المدرس بمطواه، فأصيب بجرح نافذ في الصدر، أدى إلى وفاته.
حصل القاهرة 24، على نص التحقيقات في قضية مقتل مدرس في الجيزة بسبب رفضه عريسا تقدم لخطبة شقيقته.
ننشر أقوال أحد الشهود عيان علي الواقعة قتل مدرس الصف.
س: ما الذي حدث إذا وما هي ظروف ضبطك وإحضارك وعرضك علينا؟
ج:اللي حصل ان يوم 4 يونيه لسنه 2022، انا كنت في البيت اللي وراء البيت بتاعنا وسمعت صوت صويت حريم من عندنا وطلعت لاقيت مصطفي ابن شقيقتي بيقول للمتهم خالد بلاش شتيمة وغلط فينا ولكن المتهم لم يقف عن الشتيمة وبعدها كان في أيدي عصايا روحت رمتها عليه وهو كان معاه سلاح ابيض مطواة، وقتها ضرب مصطفي في جسمه وخلالها فضلت انا ومصطفى نضرب فيه وفجأة لاقيت اسامة شقيقي ساقط علي الارض غارق في دمائه، بعدها الناس اتلمت واخدوني انا واسامة الي المستشفي وبعدها مصطفي جالنا علي هناك، ولكن عرفت وقتها بان أسامة اخويا مات فضلت جلس 4 ايام في المستشفي وخرجت بعدها عرفت بان النيابة طلبتني ودي كل اللي حصل.
س: متي واين حدث ذلك؟
ج: هي الخناقة دي حصلت يوم 4 يونيه 2022 حوالي الساعة 10بالليل.
س:ما سبب ومناسبة تواجدك بالمكان سالفي الذكر؟
ج: انا كنت في البيت وطلعت علي صويت الحريم وهي بتزعق.
س: من كان برفقتك انذاك؟
ج: انا كان معايا مصطفي الشاذلي وياسر مجدي.
س: من هو القائم علي ضبطك تحديد؟
ج: انا اللي جيت محدش قام بضبطي.
س: ما هي علاقتك بالمدعو خالد عبدالسميع ؟وهل من ثمة خلافات ؟
ج: هو جارنا وفي خلافات بينا بسبب رفضنا زواج شقيقتي.
س: ما هي طبيعه تلك الخلافات؟
هو اتقدم لي شقيقتي واحنا رفضناه.
س:هل ترتقي مثل ذلك الامر بالتعدي علي بعضكم البعض؟
ج:ايوة لان هو كان عايز يتجوز اختي.
س: ما هي الافعال التي قمت بها انذاك؟
ج: هو انا لما لقيته قاعد بيشتم في الحريم وبيقولي انا هموتك وقتها رميت عليها العصايا وهو ضربني بالمطواة وضرب ابن شقيقتي بردو فحاولت ان ابعده عننا واضربة بالعصايا علشان يبعد عن اخواتي.
س: ما هو دورك تحديد في واقعه التعدي علي المجني عليه خالد عبد السميع؟
ج: هو لما لقيت الحريم بتصوت طلعت اشوف في اية لقيت خالد بيشتم فينا وفي الحريق اللي عندنا وبيقول هموتكوا كلكم وبعدها طلع ابن شقيقتي بيقول للمتهم خالد بلاش شتيمة وغلط فينا ولكن المتهم لم يقف عن الشتيمة وبعدها كان في أيدي عصايا روحت رمتها عليه وهو كان معاه سلاح ابيض مطواة، وقتها ضرب مصطفي في جسمه وخلالها فضلت انا ومصطفي نضرب فيه وفجأة لاقيت اسامة شقيقي ساقط علي الارض غارق في دمائه، بعدها الناس اتلمت واخدوني انا واسامة الي المستشفي وبعدها مصطفي جالنا علي هناك، الي المستشفي.
