إنجي وجدان داعمة شيرين عبد الوهاب: التنمر جارح.. وأنا كمان بعاني من اكتئاب
دعمت الفنانة إنجي وجدان، الفنانة شيرين عبد الوهاب، في ظل الانتقادات التي تعرضت لها مؤخرًا بسبب زيادة وزنها، مشيرة إلى أنها تعاني أيضًا من اكتئاب وتحاول أن تتعافى.
وقالت إنجي وجدي، في فيديو نشرته عبر حسابها بموقع انستجرام: بقى لي كام يوم متابعة الكلام اللي بيتكتب ويتقال على شيرين عبد الوهاب، من فضلكم موضوع التنمر بقى كتير أوي وجارح، موضوع التنمر بقى كتير وجارح ليه كده؟ إيه الفكرة من التريقة على الناس.
وأضافت: شيرين شخصية قوية واللي بتعمله يدل على قوتها وهي بتمر بحاجة مش سهلة 90 في المية من الستات بيمروا بحاجات شبه كده، وأنا ولا محامية الناس التخان أو اللي بيخسوا، لكن الستات طول الوقت تحت ضغط مرعب، لازم تبقى واخدة بالها من شكلها وشعرها ومكياجها ولبسها، وتاخد بالها من عيالها وجوزها عشان مايخونهاش أو يتجوز واحدة تانية، والموضوع بقى مرهق ذهنيا وجسمانيا.
وتابعت: مين قال الستات مش من حقها تتخن أو تخس أو تتطلق أو تكتئب، أنا بس بضايق من إنا إحنا الستات طول الوقت تحت ضغط مرعب، ومقارنات، وبحيي شيرين لأنها بتعمل حاجة أنا مش قادرة أعملها أنا عندي اكتئاب، وواخده وقتي ‘ني أرجع واشد وأقوم نفسي وأفوق.
يُشار إلى أن آخر أعمال إنجي وجدان مشاركتها في مسرحية كوكو شانيل التي عرضت عبر منصة "شاهد"، وهي من تأليف وأشعار مدحت العدل، إخراج هادي الباجوري، وبطولة شريهان إلى جانب كل من هاني عادل، وأيمن القيسوني، وتامر حبيب، وحنان يوسف، وعماد إسماعيل، وسمر مرسي، وسليم سليمان، وهاني إبراهيم، أزياء ريم العدل، وإنتاج جمال العدل.
