تدهور الحالة الصحية لـ سيلين الطفلة المصابة بالضمور العضلي.. والأم: محتاجة الحقنة في أسرع وقت
كشفت رضوى حمدي، والدة الطفلة سيلين، المصابة بالضمور العضلي، آخر التطورات الصحية لها، مؤكدة أن حالتها في تدهور مستمر.
تدهور حالة الطفلة سيلين
وقالت في تصريحات خاصة لـ القاهرة 24: سيلين تعبانة، وحالتها بتتدهور جامد، مضيفة: الدكاترة قالولي إنها محتاجة الحقنة في أسرع وقت ممكن.
كما نشرت الأم، فيديو للطفلة وهي تبكي من شدة الألم، وعلقت عليه، قائلة: المشهد ده أنا بشوفه يوميًا والله العظيم وعمري، ما كنت حابة حد يشوفها وهى بتتألم ولا يشوف عجزها، وأنا قلبي بيتقطع عليها بحلم والله كل يوم شايفاها واقفة قدامي.
وتابعت: أرجوكم أنقذوا سيلين دي صدقة جارية كل ما تمشي خطوة هخليها تدعي لكل اللي انقذها ياريت لو رجل أعمال أو شركة واحدة بس تدخل وتنقذ سيلين والباقي كله هيجي.
تقترب من 10 ملايين جنيه
كما أكدت في وقت سابق، أنه تم جمع مبلغ 9.3 مليون جنيه، من ثمن الحقنة الأغلى في العالم، والتي يٌقدر ثمنها 40 مليون جنيه مصري.
واستغاثت الأم في شهر مايو الماضي، لعلاج طفلتها المصابة بمرض الضمور العضلي، وقالت لـ القاهرة 24:
وأضافت الأم لـ القاهرة 24: لاحظت إصابة ابنتي، نتيجة تطورها الحركي البطيء للغاية، موضحة: لا بتزحف، ولا بتقف، ولا فيها أعصاب، أعصابها كلها سايبة، كشفنا والدكتور طلب أشعة وتحاليل واتأكدنا أنها مصابة بالضمور العضلي.
