زوجة الإعلامي وائل الإبراشي: الدكتور اشتري أجهزة غالية ملهاش علاقة بحالة جوزي
كشفت التحقيقات في قضية وفاة الإعلامي وائل الابراشي، متأثرًا بإصابته بفيروس كورونا، أن زوجته قالت في التحقيقات إن الطبيب شريف عباس أبلغ زوجها أن بروتوكول وزارة الصحة رخيص ولا يكلفه تكلفة عالية، ويوجد علاج أفضل منه لكن أغلى في الثمن.
التحقيقات في قضية وفاة الإعلامي وائل الإبراشي
وينفرد القاهرة 24 بنشر نص التحقيقات في قضية وفاة الإعلامي وائل الإبراشي، واتهام الطبيب المعالج له في التسبب عن طريق الإهمال في وفاته.
وسألت جهات التحقيق زوجة الإعلامي وائل الابراشي عن تفصيلات البلاغ المقدم منها وتتهم خلاله الطبيب المعالج بالتسبب في وفاة الإعلامي عن طريق الإهمال.
وقالت في التحقيقات: انا كنت بدأت أحاول انزل مصر من يوم 2020/12/27 عشان كنت قلقت على وائل ومعرفتش أنزل من اليونان بسبب الإجراءات الاحترازية هناك غير يوم 2021/1/5 ولما نزلت قالولي متدخليش البيت غير لما يتعقم وفعلًا تم تعقيم البيت ولما دخلت يوم 7 أو 2021/1/8 لقيت ورق، كتير مكتوب بخط الدكتور ده موصوف فيه جرعة كورونا قرص كبير وقرص صغير ولقيت كمية ما مطفية في الطفايات وفناجين القهوة كبيرة جدا مع ان وائل مبيدخنش
وتابعت زوجة الإعلامي وائل الإبراشي: خلال السنة دي انا فضلت أسأل الدكاترة بتوع الصدر اللي أنا أعرفهم على المكتوب ده قعدوا يضحكوا ويقولوا أن الكلام ده مش معابر د والتوحيد اللي فادني هو الدكتور / خالد منتصر وعرفني إن ده معناه سوفالدي ودا علاج لفيروس سي ومن مسرح من وزارة الصحة باستخدامه في علاج كورونا وان في بحث مش معتمد بالاستخدام دا وان الموضوع لسه في طور التجربة ووائل موافقش على ان يتم التجربة عليه ولا كان يعرف أصلا ان هو تحت التجربة ولقيت كمان في البيت جهازين غاليين كان هو باعهم لوائل على أساس إنه يستخدمهم في العلاج ولما كلمت المستشفى وقلت لهم عليهم طلبوا مني ابعتهم له ولما بعثهم رجعوهم تاني وقالوا لي أن الجهازين دول مش ممكن استخدامهم في حالة وائل وملهومش لازمه واسطوانه الاكسجين أحسن منهم وقالوا احنا مش عارفين هو ليه اشتراهم.
وفاة وائل الابراشي
وأضافت زوجة وائل الإبراشي في التحقيقات: استمر وائل العلاج في المستشفى لغايه 2021/3/15 لما تم التصريح له بالخروج لمتابعة العلاج في البيت وفعلًا فضل في البيت مستمر في العلام لغاية 2021/5/14 وفي الوقت دا شوفنا ان الأفضل لتأهيله لسحب الأكسجين يكون في مستشفى لا يقدر يمارس حياته بعد العلاج فدخلناه مستشفى وادي النيل وفضل فيها لغاية لما مات في يوم 9\1\ 2022 وتم دفنه يوم 2022/1/10 واللي انا عاوزه أضيفه إني عرفت من بهاء السواق وميدو الطباخ إن الدكتور ده في الأسبوع اللي كان قاعده مع وائل في البيت كان بیدخن بكميات كبيرة جنب وائل وهو قاعد معاه في البيت بالرغم من إنهم حذروه أكثر من مرة ان ده غلط لكن هو كان بيتجاهلهم ويكمل تدخين بنفس الكمية وكمان كان بيوصيله ويسمحله بأكل مش مناسب لحالته خالص وكمان عرفت من أبانوب فني معمل كايرو لاب اللي كان وائل بيتعامل معاه إنه كان اشتكاله إنه بيكح دم وعمله تحليل مزرعة ووصى الدكتور إنه المفروض يبدأ في مضاد حيوي لغاية لما تطلع نتيجة تحليل المزرعة ويتكتب المضاد الحيوي المناسب للحالة لكن الدكتور ده رفض وقال له لأ ده هو دلوقتي في الذروة بتاعة المرض وهيبدأ يتحسن ومخالهوش ياخد أي مضاد حيوي عشان البكتريا اللي في الرئة دي وعرفت من وائل إنه لما سأله موضوع الدم في الكحة هو قاله متقلقش الدم دا من ادوية السيولة اللي انا بديهالك وأنا عاوزه أكد إن السبب الرئيسي في وفاة زوجي وائل هو الي عمله الدكتور.
