شيرين عبد الوهاب: رفعت شعار لا حب مع الحياة.. فلتسقط الرجالة
كشفت الفنانة شيرين عبد الوهاب تفاصيل استعادتها لحياتها مرة أخرى بعد طلاقها من حسام حبيب، بجانب الحديث عن رغبتها في استكمال تعليمها.
وقالت شيرين عبد الوهاب، خلال مداخلة هاتفية مع الإعلامية منى الشاذلي: أنا رجعت لنفسي في ليلة عاشوراء، وأنا مكنتش متوضية ولا مصلية ولا صايمة، مضيفة: ليلة عاشوراء كانت ليلة كلها بركة والدعاء فيها مستجاب، فلما الناس دعت لي من قلبها الدعاء وصلني ورجعت شيرين تاني.
وواصلت شيرين عبد الوهاب: أنا رفعت شعار لا حب مع الحياة ولا حياة مع الحب. فلتسقط الرجالة.. أنا بحب حياة العزلة، لكني مش في عزلة أنا بس بحب الهدوء والسكينة، متابعة: بفضل أبقى بعيدة دايما عن السوشيال ميديا والأضواء، لأني ست قديمة شوية مش جديدة.. أنا ست بيتوتية.
أما عن قرار استكمال تعليمها، فعلقت شيرين عبد الوهاب، قائلة: أنا قولت للدكتور أشرف زكي إني عايزة أكمل تعليمي، خطوة كبيرة جدا في الوقت ده، الواحد دلوقت يعرف يتعلم؛ لأن وإحنا صغيرين كنا بنكره الصحيان بدري دلوقت لأ، إحنا بنفتقد في حياتنا الروتين، والروتين دا مهم جدا للفنان عشان ميحسش بالوحدة والاكتئاب، ويحس إنه ملك نفسه، لما نرجع تاني نكمل دراستنا في السن ده حاجة جميلة جدا.
ومن ناحية أخرى، تعيش شيرين عبد الوهاب حالة من النشاط على المستوى الفني، حيث أحيت حفل ختام مهرجان قرطاج في تونس، وسط حضور كامل العدد، بجانب طرحها لعديد من الأغاني التي حققت نجاحا كبيرا.
