محسن منصور عن مهرجان القاهرة الدولي للمسرح التجريبي: من أهم المهرجانات في الوطن العربي
تحدث الفنان محسن منصور، عن تكليفه برئاسة لجنة تحكيم العروض القصيرة في مهرجان القاهرة الدولي للمسرح التجريبي في دورته الـ 29.
وقال محسن منصور، خلال المؤتمر الصحفي الخاص بالمهرجان: مهرجان القاهرة الدولي للمسرح التجريبي من أهم المهرجانات من الوطن العربي، تكلفت إني أكون رئيس لجنة التحكيم للعروض القصيرة.
وتابع: أنا هتكلم عن لحظة إنسانية خاصة بيا أنا، المهرجان كان من 1988 أنا كنت صغير وكان حاجة جديدة وكنا بنفكر إيه الفرق بين العروض اللي بنعملها والعروض اللي بتتعرض في المسارح سواء الطليعة أو غيره، مكناش مدركين، بدأ الموضوع يتطور لغاية سنة 2011 وتوقف ورجع تاني من 2016 لغاية دلوقتي.
وأضاف: المهرجان اختلف وكان الهدف الأساسي أنه ينتشر في كل ربوع مصر، وحصلت حاجة استفزتني بشكل رائع الطلبة كانوا موجودين في المسرح عملوا 8 عروض في نص ساعة، الولاد عندهم سبق رهيب وروئية مسرحية، تناقشت مع دكتور جمال وإزاي هؤلاء الكوادر يبقوا بشكل رسمي في مهرجان.
واختتم حديثه قائلًا: دي أول دورة خاصة بالعروض القصيرة، هنشوف مواهب وروئى إخراجية مختلفة، مبسوط بالحدث ده مش لأني في لجنة التحكيم ولكن لأني طالب في جامعة القاهرة من سنة 1988 والنهاردة يُقدر ليا أكون رئيس لجنة العروض القصيرة في المهرجان.
مهرجان القاهرة الدولي للمسرح التجريبي
الدورة الـ 29 لمهرجان القاهرة الدولي للمسرح التجريبي تحمل اسم المسرحي العالمي بيتر بروك، وتقام في الفترة من 1 حتى 8 سبتمبر، برئاسة الدكتور جمال ياقوت، وتحت رعاية وزيرة الثقافة الدكتورة نيفين الكيلاني.
