حياة كفار الجاهلية.. أول رد لهند سعيد صالح على منشور التبرج قبل الهداية
ردت هند سعيد صالح على منشور أحد رواد مواقع التواصل الاجتماعي، زعم معرفته بها وأنها كانت زميلته في معهد السينما، وأنها كانت تعيش حياة التبرج وجميع أصدقائها من الرجال.
هند سعيد صالح ترد على منتقديها
كتبت هند سعيد صالح، عبر حسابها على موقع فيسبوك: أقسم بالله أنا ماعرفش مين الشخص دا ومافيش بينى وبينه صديق واحد يوحد ربنا، وماعرفش دا دخل معهد سينما إمتى ومافيش بيني وبينه صديق مشترك واحد دا لو دخل قبلى أو بعدى كنت هعرفه لأن المعهد كله من يوم ما فتح أوضة وصالة.
وواصلت هند سعيد صالح: حضرتك عايز تقول إيه من البوست دا؟ إن ربنا هداني بعد ما كنت عايشة حياة كفار الجاهلية؟ هو لا أنت ولا غيرك مطلوب مني أبرر لهم تصرفاتي ومع ذلك أقسم بالله أنت راجل كداب من أول البوست لآخره.
وأضافت هند: ومش بس كداب أنت وقح وبجح كمان عشان تكتب بوست زي دا وكلك ثقة لدرجة إنك سايبه بابليك وفاتح التعليقات.. على قد ما دعيت عليك على قد ما بشكرك على الحسنات اللي أخدتها منك من غير ما أبذل أي مجهود.
وسبق وحرصت هند سعيد صالح على إحياء ذكرى وفاة والدها، وكتبت عبر حسابها على فيسبوك: 8 سنين فاتوا يا حبيبي.. ربنا يرحمك ويغفر لك ويجعل مثواك الجنة ويجمعنا على خير.
