أمير مرتضى يفتح النار على رئيس الزمالك السابق: منعت الونش من الرد عليه
فتح أمير مرتضى منصور، المشرف العام على فريق الكرة بنادي الزمالك، النار على حسين لبيب رئيس اللجنة المؤقتة، التي كانت تدرير انادي سابقا، بسبب تصريحاته الأخير.
وقال أمير مرتضى خلال ندوة القاهرة 24: كابتن حسين لبيب؛ ظهر في أحد البرامج خلال الأيام الماضية، بتصريحات كارثية، تخص فترة تواجده داخل النادي قبل رحيل اللجنة.
وأضاف: لما رئيس لجنة يخرج يقول إن اللاعب ده جيت أجددله.. قالي أنا مظلوم وزميلي بياخد أكثر مني.. يعني أنت عاوز تصدرلي أزمة في المعسكر، واللاعبين تخرج ترد عليك.. الونش قالي أقسم بالله ما حصل، وأنا وعدت اللاعب أني هرد.
أمير مرتضى: فيه حاجات أسمها حرمت الاجتماعات
وتابع أمير مرتضى: هل أنت يا كابتن حسين.. فرحان ومبسوط.. أنك كنت بتتكلم مع فرجاني ساسي وبن شرقي، ولما أنت رحلت، ونجحت على حساب ناس تانية، لماذا تخرج بهذه التصريحات حاليًا؟، ده فيه حاجه اسمها حرمت الاجتماعات.. لما تخرج وتقول الونش جالي وقالي يرضيك فلان ياخد أكثر مني، وفلان ده زميله في الفريق.
واختتم المشرف العام على فريق الكرة بنادي الزمالك، قائلا: أنا عندي كواليس كثير في النادي.. هل ينفع أخرج وأقولها؟ حتى لو أنا برة.. مهو اللاعيبة دي أنا عايش معاها طوال اليوم، وما ينفعش أصرح بحاجة، حفاظًا على سِرية الأمور، وبعدين بيقول أنا كسّبت النادي 50 ألف دولار في قضية حمدي النقاز، وده مش صح، ده أحنا خسرنا، ولما رجعنا حاولنا نلم الأمور.
