عارفة عبد الرسول: أبناء المشاهير بيتحملوا رزالات ملهمش ذنب فيها
تعاطفت الفنانة عارفة عبد الرسول مع أبناء المشاهير والفنانين، موضحة أن هناك الكثير منهم يعانون من اتهام البعض لهم، بأنهم لا يستحقون فرصة للعمل مثل آبائهم، إذ أكدت أن هناك الكثير منهم موهوبون، ولكنهم يعانون من فكرة مقارنتهم بالآباء.
وكتبت عارفة عبد الرسول منشورا، عبر حسابها الشخصي بموقع التواصل الاجتماعي فيس بوك: أنا متعاطفة جدًا مع أبناء المشاهير، الناس بيقولوا خد فرصة عشان ابن فلان، ومهما اتشقلب وعمل اللالي لازم يقارنوه بالاسم الأصلي، ويفضل طول عمره متحمل رزالات مالوش فيها ذنب.
وتابعت عارفة عبدالرسول: بشتغل اليومين دول مع مخرج منهم، شايف كويس تفاصيله مالهاش حل، محترم مع الصغير قبل الكبير، ورغم خبرتى اللى على قدي، أقدر أقول إنه هايبقى مخرج كبير من اللى يتعدوا على الصوابع دول.
تصريحات عارفة عبد الرسول
وأضافت عارفة عبد الرسول: ألاقي واحد جاي يعمل مشهد يقوله عشان أنت حفيد الأستاذ، جايبنى أعمل كلمتين وبس، واحد من المجاميع المفروض بيعلق يافطه فى المشهد وإحنا بنقوله يمين شوية شمال شوية...قوم هو بيحرك اللوحة وبيترقص بطريقة غريبة.
واستكملت عارفة عبد الرسول: المخرج يقوله بلاش كده حرك إيدك بس يقوله، إحنا تلامذة الأستاذ واتعلمنا منه...طب يا سيدى كتر خيرك، ممكن تحرك إيدك بس، وهكذا. والله بيصعب عليا، وهو بيقابل ده بابتسامة لطيفة قلبي عندك يا ابني....المخرج...عمر المهندس.
