من طلاب الثانوية العامة إلى المتزوجين.. كيف حولت سمية الخشاب تويتر لـ ساحة تقديم النصائح؟
حوّلت الفنانة سمية الخشاب، حسابها الرسمي بموقع تويتر إلى ساحة خاصة لتقديم النصائح لمتابعيها وخاصة الفتيات، حيث دائمًا ما تتصدر التريند بسبب النصائح التي تقدمها لهن، وتأخذ الطابع الكوميدي.
ولم تكتف سمية الخشاب بتقديم النصائح فقط، بل حرصت على مساعدة طلاب الثانوية العامة خلال فترة اختبارات نهاية العام، حيث نشرت العديد من المراجعات في مادة الفيزياء، الكيمياء، اللغة العربية، الإنجليزية والفرنسية، بل طالت نصائحها المُتزوجين والشباب المقبل على الزواج.
نصائح سمية الخشاب على السوشيال ميديا
ويرصد لكم القاهرة 24 أبرز نصائح سمية الخشاب لمتابعيها في السطور التالية:
- متعملوش أسرة وأنتم مش عارفين تشيلوا مسئوليه نفسكم، مفيش حاجة اسمها كبرت ولازم بالغصب آخد مسئولية عشان المجتمع عايز كده، بطلوا عبث ده مش إنجاز.
- وراء كل ست عظيمة شهادتها وشغلها وبس.
- تستاهلي أحسن من كده stop being ok with everything.
- الحل إننا نتحول لروبوت عقلنا لازم يتحكم في كل قرارتنا.
- رساله لكل اللي هيشوف دي والقدر هيخليه يشوفها: احترس من أقرب الناس إليك.
- اللي مجبش المجموع اللي هو عايزة السنة دي بقوله ولا يهمك مش نهاية العالم، أدخل الكلية اللي يجيبها مجموعك واثبت نفسك فيها، ولسه قدامك فرصة تانية وتالتة وركز في اللي جاي وربنا يوفقكم كلكم حبايبي.
- كتكوت في اليد ولا عشرة على الشجرة.
- اتعلموا إيتيكيت الكلام والمعاملة الأول قبل ما تتعلموا إيتيكيت الأكل.
- الراجل ملزوم يجيب كل حاجة يا إما لو مش جاهز ميتجوزش، أصلها مش شطارة هي.
- اللي يلاقي حد serious في أي حاجة يمسك فيه بايده وسنانه.
- اختاري اللي عايزك مش اللي إنتي عايزاه.
- العلاقات السطحية = حياة أفضل.
- حبايبي اللي في الثانوية عامة، محدش يجي على نفسه خالص صحتكم بالدنيا، ومش نهاية العالم، ومتخلوش أي حد يؤثر بالسلب عليكم وتقدروا تثبتوا نفسكوا في أي مجال أو كلية مش شرط المسمى القديم بتاع كليات القمة ده مفيش قمه.. اللي هيشتغل ويحب اللي بيعمله هيبقى في القمة.
- ساعدوا بعض وذاكروا مع بعض وبلاش قلة سلكان عشان كل حاجة بالنيات.
- ارقصوا وطلعوا كل الطاقات السلبية في الجسم.. الرقص رياضة بتشيل الضغط، قوموا ارقصوا.
أعمال سمية الخشاب
يعد مسلسل موسى - آخر أعمال سمية الخشاب الدرامية، وضم المسلسل العديد من النجوم أبرزهم، محمد رمضان، سيد رجب، تارا عماد، هبة مجدي، وعدد آخر من أبرز الفنانين، والمسلسل من تأليف ناصر عبد الرحمن وإخراج محمد سلامة، وحقق العمل نجاحًا كبيرًا.
