بعد صورته في المستشفى.. شريف مدكور يطمئن جمهوره: كنت بعمل فحص روتيني
كشف الإعلامي شريف مدكور حقيقة مروره بـ وعكة صحية، وذلك بعدما نشر صورة له من المستشفى وهو يقوم بفحص طبي.
وقال شريف مدكور لـ القاهرة 24: أنا كل فترة بروح أكشف وأطمن على صحتي كـ إجراء روتيني، عشان أتأكد إن مفيش حاجة جديدة أو شيء ظاهر عليا والحمد لله أنا بخير.
وسبق ووجه شريف مدكور شكرا خاصا لـ طبيبه عبر حسابه الرسمي على موقع فيسبوك، قائلا: عملت النهادرة إجراء طبي والحمدلله كله تمام نعمة وفضل وعايز أشكر دكتوري لأنه طبيب منظار عظيم.
ومن ناحية أخرى، أثار شريف مدكور حالة من الجدل على مواقع التواصل الاجتماعي، وذلك بسبب تصريحاته عن الزواج، حيث قال في برنامجه شارع شريف: الشخص المناسب مش بالتعليم ولا العمل ولكن أهم حاجة الأدب وإنه يكون كسيب ويقدر يفتح بيت، ياما شفنا دكاترة وبيتجوزوا وبعدين يطلق مراته بعدها بـ شهر ويرميها.
وواصل مدكور: الناس بتقول مشاكل الأسرة مش موجودة في المجتمع، ليه مش بتشوفوا محاكم الأسرة، وأنا بشوف الحل لتقليل حالات الطلاق هو عدم الزواج في العشرينيات والزواج يكون في سن الثلاثينيات ويكون الراجل والبنت اشتغلوا وشافوا الدنيا وبعدين يفكروا في بناء بيت.
كما تحدث شريف مدكور عن التدين الظاهري، وذلك خلال بث مباشر عبر حسابه على فيسبوك، قائلا: التدين الظاهري اللي باللبس أو المنشورات على السوشيال ميديا مش دليل على فهم الدين، ومينفعش نقول على نفسنا شعب متدين؛ لأننا مش متدينين خالص.
