سليمان عيد لـ القاهرة 24: مش بيدعوني لحضور المهرجانات الفنية.. هما شايفني مش بعرف أمثل؟
أعرب الفنان سليمان عيد عن حزنه من عدم دعوته لحضور المهرجانات الفنية، مشيرًا إلى أنه لا يمانع الحضور لكن لم يدعوه أحد لذلك.
وقال سليمان عيد لـ القاهرة 24: مش بيعزموني، ومش عارف إيه السبب، ومش فارق معايا أوي هما اللي خسرانين، يمكن حاطين تحذير من نوعية الكوميديانات اللي شبهي أو شايفين أني مش بعرف أمثل.
سليمان عيد: مش بيدعوني لحضور المهرجانات الفنية
وأضاف: أنا عامل 100 فيلم سينما وخريج معهد فنون مسرحية، وخدت جايزة أحسن ممثل تامي في فيلم واحد من الناس خدت عليه جايزة أحسن ممثل تاني وعام 2006، وقدمت بطولة مسلسل درب الطيب تأليف بشير الديك وقدمت دور تراجيدي في مسلسل رسايل مع مي عز الدين.
وتابع سليمان عيد: أو يمكن واخدين موقف مني، لأنهم مش بيكلموني ولا بيعيدوا عليا أو يمكن عندهم ناس بيحبوهم وصحابهم وشايفني مش بعرف أمثل، وأكيد بضايق من قلة التقدير.
من ناحية أخرى، تعرض سليمان عيد لحملة هجوم بعدما نشر صورة له احتفالًا بفوز نادي الزمالك ببطولة الدوري العام، عبر حسابه بموقع فيس بوك، وعلق قائلًا: لقد استيقظ الشخص اللي فريقه أخد الدور مرتين على التوالي.
وأعرب سليمان عيد، عن استيائه الشديد بسبب موجة الإساءات التي طالته، وقال خلال تصريحات تلفزيونية، إنه تعرض للسب لأول مرة منذ بداية دخوله الوسط الفني قبل 40 عامًا، مشيرًا إلى أن هناك بعض الأشخاص وصفوه بالبواب، متابعا: نفسي الناس تبقى حبايب مع بعض دي لعبة، أنا ولادي أهلاوية كلهم وبنقعد نهزر مع بعض.. يعني إيه بواب؟ الإيفيه دمه تقيل، هو أي حد هياخد الدوري غير الأهلي هيتهان؟ وليه الزمالك دايما في مشاكل مبتخلصش، ولما الأهلي بيخسر الإعلام والدنيا بتقوم.
واستكمل: لازم يطلع قانون أو حاجة في موضوع الإساءة ده لأنه فعلًا مضايقني جدًا، وأنا بحب كل لاعيبة الأهلي والزمالك، أنا اتصدمت من الردود وبحاول أعرف مصدرها، لو معندناش أخلاق يبقى منتكلمش مع بعض.
