آمال رمزي: أنا مع القبلات والمايوهات ومفيش سينما نظيفة وسيئة
صرحت الفنانة آمال رمزي بأنها ضد مصطلح السينما النظيفة، مشيرة إلى أن هذه الأفكار زرعها الإرهابيون.
وقالت آمال رمزي خلال لقائها مع الإعلامية راغدة شلهوب عبر شاشة النهار: مع القبلة والمايوه ومفيش سينما نظيفة وأخرى سيئة، إحنا فتحنا عنينا بنحب السينما وده تمثيل يعني إيه نضيفة ومش نضيفة، ولكن هذه الأفكار زرعها إرهابيون حتي يتكسبوا من ورائها ومش تدين لكن واخدينها شغلة يكسبوا منها إنما الحمد لله ربنا نصرنا عليهم.
وتحدثت آمال رمزي عن علاقتها بالسوشيال ميديا، مشيرة إلى أنها لا تتابعها جيدًا، وأنها لا تنزعج من الانتقادات والشائعات، قائلة: الإنسان طول ما هو عايش هيسمع كلام حلو وكلام مش حلو، وكأني ما سمعتش لأنهم جوزوني كتير أكتر من حد وده ما حصلش، والحمد لله الإشاعة بتطلع وتموت ودلوقتي مش برد، على عكس زمان كنت بزعل وأعيط دلوقتي بقيت أطنش.
ولفتت آمال رمزي إلى أنها ترفض الكثير من الأدوار التي تعرض عليها، لأنها ترى أنها أدوار ليست لها قيمة ولا تريد أن تضيع تاريخها لأجل ذلك حسبما وصفت، قائلة: المفروض المؤلفين يكتبوا لينا أدوار تليق بنا، ما يهمنيش مساحة الدور ولكن إيجابية الدور، دلوقتي بيتعرض عليا صديقة العائلة أو الأم غير النشطة فبقول بلاش أضيع تاريخي لأن الدور الحلو بيهمني أكتر من الفلوس.
وأكدت آمال رمزي أنها لا تعيش من الفن كمصدر رزق، موضحة: كنت متجوزة لواء جيش وكان عندي عربية وشقة غير بيت ماما، فبيعت العربية والشقة وحطيتهم في البنك بيجبوا وديعة كل شهر ولو جالي شغل تمام ماجاش عادي أنا مأمنة نفسي.
